Monday, July 31, 2017

മരിക്കാത്ത പ്രിയപ്പെട്ടവർ. ഖലീൽശംറാസ്

നീയൊന്നോർക്കുമ്പോൾ
നിന്റെ തലച്ചോറിൽ
പ്രത്യക്ഷപ്പെട്ട്
നിന്റെ മനസ്സിന്റെ
പൂന്തോപ്പിലൂടെ
പുഞ്ചിരിച്ചും സംസാരിച്ചും
ചിരിപ്പിച്ചും നടക്കുന്ന
പ്രിയപ്പെട്ടവരുടെ ഒരു
ചിത്രമില്ലേ?
ചലിക്കുന്ന ആ ചിത്രം
തന്നെയല്ലേ ശരിക്കും
അവർക്ക് നീ നൽകുന്ന ജീവൻ.
അവർ ജീവിച്ചിരുന്നപ്പോൾ
ഇതേ തലച്ചോറിൽ ത്തന്നയായിരുന്നു
നീ അവരെ കണ്ടത്‌.
ഇന്നും അവിടെ
അതും അതിലും ജീവസ്സുറ്റതായി
അവിടെ കാണുന്നു.
പിന്നെയെങ്ങിനെ
അവരെ മരിച്ചവരായി
കാണാൻ കഴിയും.