Monday, July 24, 2017

താരതമ്യം. ഖലീൽ ശംറാസ്

നീ മറ്റൊരാളോടും
താരതമ്യം ചെയ്യുന്നില്.
മറിച്ച് നിനക്കുള്ളിൽ
മറ്റുള്ളവരുടെ രൂപത്തിൽ
നീ പ്രതിഷ്ടിച്ച
നിന്റെ ആത്മവിശ്വാസക്കുറവിന്റേയും
പേടിയുടേയും
അപകർഷധാബോധത്തിന്റേയും
ബിംബങ്ങളോട്
സംവദിക്കുക മാത്രമാണ്.

പ്രായം മാർഗതടസ്സമല്ല.ഖലീൽശംറാസ്

ഇവിടെ ബീജങ്ങളും
പിറക്കാനുള്ള അവസരങ്ങൾ
നിഷേധിക്കപ്പെട്ട മനുഷ്യരും
മറിച്ചുപോയത്
പ്രായം ആയതുകൊണ്ടല്ലായിരുന്നു.
അതുകൊണ്ട്
കൂടി കൂടി വരുന്ന
പ്രായം ഒരിക്കലും
നിനക്കുമുന്പിലെ
മാർഗതടസ്സമല്ല എന്നു നീ മനസ്സിലാക്കുക.

ജീവനോടെയുള്ള നിന്റെ ജീവിതത്തിലേക്ക്. ഖലീൽശംറാസ്

ഈ നിമിഷം
മരിച്ചുപോയ ഒരു വ്യക്തിയിലേക്ക്
നോക്കുക.
എന്നിട്ട് ഈ
നിമിഷം മരിക്കാത്ത
നിന്നിലേക്കും നോക്കുക.
എന്നിട്ട് വരാനിരിക്കുന്ന
നിന്റെ ഒരു നിമിഷത്തിലെ
മരിച്ച അവസ്ഥ ദർശിക്കുക.
എന്നിട്ട്
ജീവനുള്ള
ജീവനോടെയുള്ള
ഈ ഒരു നിമിഷത്തിലെ
ന്നിന്റെ ജീവിതം ധന്യമാക്കുക..

അവരുടെ മാതൃക. ഖലീൽശംറാസ്

ഓരോ വ്യക്തിക്കും
അവനവന്റേതായ
മാനസിക മാതൃകകൾ
ഉണ്ട്.
ഒരിക്കലും നിന്റേതുമായി
ഒരു സാദൃശ്യവുമില്ലാത്തതാണ്
ആ മാതൃക
എന്ന് നീ മനസ്സിലാക്കണം.
അവരോട് ആശയവിനിമയം
നടത്തുന്നത്
അവരുടെ മാതൃക
അറിഞ്ഞുകൊണ്ടായിരിക്കണം.

നിന്റെ വാക്കിലെ ഹൃദയം. ഖലീൽശംറാസ്

നിന്റെ വാക്കുകളിൽ
നിന്റെ ഹൃദയത്തെ കുടിയിരുത്തുക.
എന്നിട്ട്
നിന്നോട് ഇടപഴകുന്നവർക്ക്
അത് സമ്മാനിക്കുക.
അല്ലാതെ വാക്കുകളിൽ
ആനുകാലിക വിവാദങ്ങളുടേയും
വിമർശനത്തിന്റേയും
അഴുക്കു പുരട്ടികൊണ്ടാവരുത്
അവർക്കു പകർന്നു നൽകാൻ.
നിന്റെ വാക്ക്
അവരിൽ സൃഷ്ടിക്കേണ്ടത്
അശാന്തിയല്ല
മറിച്ച് ശാന്തിയാണ്.

പ്രിയപ്പെട്ടവരെ ജീവനോടെ. ഖലീൽശംറാസ്

ഓരോ പ്രിയപ്പെട്ടവരേയും
നിനക്കുള്ളിൽ ജീവനോടെ നിലനിർത്തുക.
അവരെ ഓർക്കുന്ന
ഓരോ നിമിഷവും
അവരുടെ ജീവനെ
അനുഭവിക്കലാണ്.
അവർ നിനക്ക് പ്രിയപ്പെട്ടവരാവുന്നത്
അവർ നിന്റെ
ജീവന്റെ ഭാഗമാവുമ്പോഴാണ്.
അവരെത്ര ദൂരങ്ങളിലാണെങ്കിലും
നിന്റെ മനസ്സിന്റെ
വീട്ടുമുറ്റത്ത്
അവരെ എപ്പോഴും
ജീവനോടെ
കാണുകയും ശ്രവിക്കുകയും
അനുഭവിക്കുകയും ചെയ്യുക.

Saturday, July 22, 2017

ലക്ഷ്യബോധം. ഖലീൽശംറാസ്

വ്യക്തമായ ലക്ഷ്യബോധമുണ്ടെങ്കിലേ
ഈ ഒരു നിമിഷത്തിൽ ഫലപ്രദമായി ജീവിക്കാനുള്ള
ഉൾപ്രേരണ ഉണ്ടാവുകയുള്ളൂ.
അതുകൊണ്ട് നിന്റെ
ജീവിത ലക്‌ഷ്യം
നിർണയിക്കുക.
എഴുതി വെക്കുക.
അതിൽ ആവേശം
കണ്ടെത്തുക.

ഉത്തരം.ഖലീൽശംറാസ്

വ്യക്തമായ ലക്ഷ്യവും
മൂവല്യവും
ഉള്ള ഓരോ മനുഷ്യനും
തന്റെ
ഈ ഒരു നിമിഷത്തിലെ
ജീവിത സാനിധ്യത്തിന്
ഒരു ഉത്തരം കണ്ടെത്തും.

അവരുടെ സ്ഥാനത്തു നിന്നും .ഖലീൽശംറാസ്

അവർ നിന്നോട് അവതരിപ്പിക്കുന്ന പ്രശ്നത്തെ
അവരുടെ സ്ഥാനത്ത് നിന്നുകൊണ്ട്
നീ കാണണം.
അല്ലാതെ നിന്റെ സ്ഥാനത്തു
നിന്നുകൊണ്ട് കണ്ടാൽ കാണുന്നത്
അവരുടെ പ്രശനത്തെയായിരിക്കില്ല
മറിച്ച് നിന്റെ സ്വന്തം
പ്രശ്നത്തെയായിരിക്കും.

സംസാരത്തിന്റെ ഫലം. ഖലീൽ ശംറാസ്

നിന്റെ സംസാരം
അവരിൽ സൃഷ്ടിക്കുന്ന
മാനസികാവസ്ഥയാണ്
അതിന്റെ ഫലം.
അല്ലാതെ
നിന്റെ ഉദ്ദേശ്യമല്ല അതിന്റെ ഫലം.

ഈ ഒരു നിമിഷം. ഖലീൽശംറാസ്

ഈ ലോകത്ത് കഴിഞ്ഞുപോയ
മൊത്തം സമയവും
വരാനിരിക്കുന്ന മൊത്തം
സമയവും
ഒരുമിച്ച് മൽസരിച്ചാൽ
പോലും
ഈ ഒരു നിമിഷത്തിന്റെ ശക്തി
കൈവരിക്കാൻ കഴിയില്ല.
കാരണം
നീ ജീവനോടെ
നിലനിൽക്കുന്ന
നിമിഷമാണ് ഈ ഒരു നിമിഷം.

നീയാരാണ്. ഖലീൽശംറാസ്

നിനക്കെന്തുണ്ട്
അല്ലെങ്കിൽ നീയാരാണ്
എന്നൊന്നും ആരും
ശ്രദ്ധിക്കുന്നില്ല.
മറിച്ച് എനിക്കെന്തുണ്ട്
ഞാനാരാണ്
എന്നറിയാനാണ്
അവർക്ക് താൽപര്യം.
നീയാരാണെന്നറിയാനുള്ള
അവരുടെ താൽപര്യം
പോലും
അവർക്ക് അവരെ അറിയാനാണ്.

പ്രശ്നവും പരിഹാരവും. ഖലീൽശംറാസ്

പുറത്തെ പ്രശ്നങ്ങൾ
അകത്തെ പ്രശ്നങ്ങൾക്കുള്ള
പരിഹാരമാണ്.
മാന്യതയോടെ പ്രതികരിച്ചുകൊണ്ട്തന്നെ
ശാന്തമായ മനസ്സ്
നിലനിർത്താനുള്ള പരിഹാരം.

ആത്മവിശ്വാസത്തിന്റെ അളവ്. ഖലീൽശംറാസ്

ആത്മവിശ്വാസത്തിന്റെ
അളവിലും തോതിലുമുള്ള
വ്യതിയാനത്തിനനനുസരിച്ചാവും
വ്യക്തികളുടെ മാനസികാവസ്ഥകൾ.
നല്ല ആത്മവിശ്വാസമുള്ള
ഒരു വ്യക്തിയുടെ
മാനസികാവസ്ഥയും തല്ലതായിരിക്കും.

നിമിഷത്തിൽനിന്നും നിമിഷത്തിലേക്ക്. ഖലീൽശംറാസ്

പ്രതിക്ഞകൾ എടുക്കുക.
അതിൽ ഉറച്ചു നിൽക്കുക.
പാലിക്കാനുള്ള
അവസരങ്ങൾ
ഈ ഒരു നിമിഷത്തിലാണ്
എന്ന് തിരിച്ചറിയുക.
എന്നിട്ട് ചിട്ടയായ
ജീവിതരീതിയിലൂടെ
മുന്നേറികൊണ്ടേയിരിക്കുക.
ഓരോ നിമിഷത്തിൽനിന്നും
നിമിഷത്തിലേക്ക്.

ഓർമ്മ ജീവനാണ്.ഖലീൽശംറാസ്

നിനക്കൊരാളെ
ഓർക്കാൻ കഴിയുമ്പോൾ
ശരിക്കും അയാളുടെ
ജീവൻ തന്നെയാണ്
നീ ആസ്വദിക്കുന്നത്.
ജീവൻ ഒരു തരംഗമാണ്
പ്രപഞ്ചത്തിന്റെ അനന്തതയോളം
വ്യാപ്തിയുള്ള തരംഗം.
അതു കൊണ്ട്
പ്രിയപ്പെട്ടവരുടെ
നല്ലതോർത്ത്
അവരുടെ ജീവൻ ആസ്വദിക്കുക.

നിന്റെ ജീവൻ ബാക്കിയാവാൻ. ഖലീൽശംറാസ്

നീ യാത്രയായാലും
നിന്റെ ജീവന്റെ ഒരംശം
അവരിൽ ബാക്കിയാവണമെങ്കിൽ
അവർക്ക് ഓർക്കാനും
പ്രചോദനം ലഭിക്കാനും
പാകത്തിൽ
അവർക്കെന്തെങ്കിലും
കൈമാറണം.
നല്ല പ്രവർത്തിയായി,
നല്ല വാക്കായി,
സ്നേഹമായി
എന്തെങ്കിലുമൊക്കെ
കൈമാറികൊണ്ടിരിക്കാനുള്ളതാണ്
നിന്റെ ജീവൻ നിലനിൽക്കുന്ന
ഈ നിമിഷങ്ങൾ.

വാപ്പിച്ചിയുടെ വിലക്ക്. ഖലീൽശംറാസ്

രാഷ്ട്രീയ മത സംഘടനാ തർക്കങ്ങളിലൊന്നും
ഭാഗവത്താകരുതെന്ന്
എന്റെ വാപ്പിച്ചി പറയുമായിരുന്നു.
ശരിക്കും കൗമാരകാലത്തിൽ
വിപ്പിച്ചിയുടെ വിലക്ക്
വകവെക്കാതെ
വായനശാലയിലും മറ്റും പോയി
ഇത്തരം തർക്കങ്ങളിൽ
ഭാഗവത്തായിരുന്നു.
അത്തരം സ്വഭാവ ദൂശ്യങ്ങൾ
എന്റെ മനസ്സിൽ
വൃത്തികെട്ട പക്ഷപാതിത്വത്തിന്റെ
ഒരു വൻമതിൽ സൃഷ്ടിക്കുകയും ചെയ്തിരുന്നു.
പലരുടേയും പലതിന്റേയും
ശരി മനസ്സിലാക്കുന്നതിൽ
നിന്നും തടഞ്ഞുനിർത്തിയ വൻമതിൽ.
ഇന്ന് ആ വൻമതിൽ
തകർത്തെറിഞ്
എല്ലാത്തിലേയും ശരികളെ
അന്വേഷിക്കുമ്പോൾ
ശരിക്കും അനുഭവിക്കുന്നത്
സ്വാതന്ത്ര്യവും
മനശ്ശാന്തിയുമാണ്
കൂടെ വാപ്പിച്ചി എന്ന
വലിയ ഗുരുവിന്റെ
വാക്കുകളുടെ അർത്ഥവും.

ചെറിയ കണിക. ഖലീൽശംറാസ്

ഈ പ്രപഞ്ചത്തിൽ
നീ മാത്രമല്ല,
നിന്നിലെ കോശങ്ങളും
സൃഷ്ടിപ്പിന്റെ ആറ്റങ്ങളും മാത്രമല്ല.
എല്ലാമെല്ലാം
ചെറിയ ഒരു കണിക മാത്രമാണ്.
ശൂന്യതയേക്കാൾ ചെറിയ കണിക

അറിവ് ആനന്ദമാണ്.ഖലീൽശംറാസ്

അറിവ് ആനന്ദമാണ്.
പക്ഷെ നിന്റെ പ്രിയപെട്ടവർ
അതിൽ അനന്ദം കണ്ടെത്തുന്നവർ
ആയികൊള്ളണമെന്നില്ല.
അതുകൊണ്ട് അവരുടെമേൽ
നിന്റെ ആനന്ദത്തെ
അല്ലെങ്കിൽ അരിവിനെ
അടിച്ചേൽപ്പിക്കരുത്.
അവരും അതിൽ ആനന്ദം
കണ്ടെത്തുന്നുണ്ടെങ്കിൽ
ഒരു വിരുന്നു സൽക്കാരം പോലെ
പങ്കുവെക്കുകയും ചെയ്യുക.

പ്രപഞ്ചത്തിന്റെ അനന്തതയിലൂടെ. ഖലീൽശംറാസ്

പ്രപഞ്ചത്തിന്റെ അനന്ത വിശാലതകളിലൂടെ
നക്ഷത്രങ്ങളിലൂടെയും
മറ്റും വിനോദയാത്ര നടത്തി
കുറേ നാളിനുശേഷം
തിരിച്ചുവന്ന ഒരു മനുഷ്യനോട്
ഈ ഭൂമിയിലെ വിശേഷങ്ങൾ
ആരായുക.
അയ്യോ ----
ആ യാത്രയിൽ ഭൂമിയെന്ന
ഈ ചെറിയ പുള്ളിയെ
ശ്രദ്ധിക്കാൻ കഴിഞില്ല.
ഈ ഭൂമിയിൽ മനുഷ്യരെന്ന
ഈ സൂക്ഷ്മജീവികൾ ഉള്ള വിവരം പോലു
ശ്രദ്ധിച്ചില്ല,
ഇനി നിന്റെ മനസ്സിന്റെ ആന്തരികലോകത്തിലേക്ക്
നോക്കുക.
ഒരു നിമിഷം പ്രപഞ്ചത്തിന്റെ
അനന്തതയിലൂടെ
യാത്ര ചെയ്തുവന്ന
ആ വിശാലലോകം നിന്റെ
സ്വന്തം മനസ്സല്ലേ.
ഭൂമി നിന്റെ സാഹചര്യവും.

മറ്റൊരാളെ വേദനിപ്പിക്കുമ്പോൾ.ഖലീൽശംറാസ്

നീ മറ്റൊരാളെ
വേദനിപ്പിക്കുമ്പോൾ
സ്വയം ആ വേദന
അതിലും ശക്തമായി അനുഭവിക്കാതെ
മറ്റൊരാൾക്ക് കൈമാറാൻ കഴിയില്ല.
ശരിക്കും നീ മറ്റാരേയുമല്ല
മറിച്ച് നിന്നെ തന്നെയാണ്
ശരിക്കും വേദനിപ്പിക്കുന്നത്.

Life syllubus.khaleelshamras

In your life
You are always
Asking out of syllabus questions
And answering out of syllabus answers.
Your syllabus is of mind.
Your result is positive mental state.
If you are getting
Opposite results
Then come to your syllabus.

നിനക്ക് സന്തോഷിക്കാം. ഖലീൽശംറാസ്

നിനക്ക് സന്തോഷിക്കാം
കാരണം ഈ
ഒരു നിമിഷം
നീ ജീവിച്ചിരിക്കുന്നു.
ഓരോ നിമിത്തിലും
സത്താഷവും
സമാധാനവുമുണ്ട്.
എല്ലാ ജീവനോടെയുള്ള
മനുഷ്യർക്കും
അതിൽ അവകാശവുമുണ്ട്.

പ്രശ്നത്തിനുള്ള ചികിൽസ.ഖലീൽശംറാസ്

നിന്റെ ഏതൊരു
പ്രശ്നത്തിനും
ഏറ്റവും ചികിൽസ
പ്രശ്നങ്ങളെല്ലാം
അനുഭവിക്കുന്നത്
നിനക്കുള്ളിൽ തന്നെയാണ്
എന്ന ബോധവും
തരിച്ചറിവുമാണ്.

താരതമ്യം. ഖലീൽശംറാസ്

എല്ലാത്തിനോടും
താരതമ്യപ്പെടുത്താനുള്ള
ഒരു പ്രവണത
മനുഷ്യനിലുണ്ടാവും.
പലപ്പോഴും
അത് താരതമ്യ പഠനമല്ല
മറിച്ച്
സ്വന്തം
ആത്മവിശ്വാസത്തിന്റെ
കുറവാണ്.
ആ കുറവാണ്
മനുഷ്യരിൽ
താരതമ്യപ്പെടുത്താൻ
മറ്റേതെങ്കിലും
ഒരു വ്യക്തിയുടെ രൂപത്തിൽ
താരതമ്യപ്പെടുത്താൻ
ഒരു ബിംബം സ്യഷ്ടിക്കുന്നത്.

സൂക്ഷ്മ ലോകം. ഖലീൽശംറാസ്

നിന്നിൽ വസിക്കുന്ന
സൂക്ഷ്മജീവികൾക്ക്
നിന്നിലെ കോശങ്ങളേയും
രക്താണുക്കളേയും
കാണാം കേൾക്കാം
അനുഭവിക്കാം
പരസ്പരം അക്രമിക്കുകയും
ചെയ്യാം.
പക്ഷെ നീയെന്ന മനുഷ്യൻ
അവരുടെ  ചിന്തകൾക്കും
കാഴ്ച്ചക്കും കേൾവിക്കും
അപ്പുറമാണ്.
ഊഹിക്കാൻ കഴിയുന്നതിനുമപ്പുറം.
അതുപോലെയാണ്
മറ്റൊരു ഗ്രഹത്തിൽപോയി
നിന്നേയും
നിന്റെ വീടായ
ഭൂമിയേയും നിരീക്ഷിച്ചാൽ.
അതിസൂക്ഷ്മമായ
ഒന്നായേ നിന്റെ
ഭൂമി വീടിനെ കാണാൻ കഴിയൂ.
അതിലെ നീ
അതിലും സൂക്ഷ്മവും.

പേടിയിൽ നിന്നും മുക്തനാവാൻ.ഖലീൽശംറാസ്

എന്നും മനസ്സിന്റെ
ആന്തരിക ലോകത്തിൽ
പേടിപ്പിക്കുന്ന രംഗങ്ങൾ
മാത്രം കണ്ടിരിക്കുന്ന
ഒരു വ്യക്തിക്ക്
പിന്നെ പേടിയില്ലാതിരിക്കുമോ.
ഈ രംഗങ്ങളൊക്കെ
അരങ്ങേറുന്നത്
എന്റെ സ്വന്തം
തലച്ചോറിലാണ്
അല്ലാതെ ഞാൻ
ധരിച്ചിരിക്കുന്ന
എന്റെ പുറംലോകത്തിലല്ല
എന്ന ഒരു
തിരിച്ചറിവ് മാത്രം മതി.
പേടിയിൽനിന്നും
വിമുക്തനാവാൻ.

വൻമതിൽ. ഖലീൽശംറാസ്

പുറത്ത്
അതി മനോഹരമായ കാഴ്ച്ചകളാണ്.
സംഗീതവും അനുഭുതിയുമുണ്ട്
പക്ഷെ നിന്റെ
ആന്തരിക ലോകത്തിനും
പുറം ലോകത്തിനുമിടയിൽ
ശക്തമായ ഒരു വൻമതിൽ കെട്ടി
അവയൊന്ന്
ആസ്വദിക്കുന്നതിനും
അതിൽ നിന്നും
പാഠം ഉൾകൊള്ളുന്നതിനും
തടസ്സം സൃഷ്ടിച്ചിരിക്കുന്നു.
നീയൊന്ന് തിരിച്ചറിഞാൽ
ആ തിരിച്ചറിവിന്റെ
ഒരു ചെറുസ്പർശനത്തിൽ .
വീണുടയുന്നതേയുള്ളു
ആ  വൻമതിൽ.

Tuesday, July 18, 2017

ഭീക്ഷണി. ഖലിൽശംറാസ്

തീവ്രവാദവും
ഭീകരവാദവും
വർഗ്ഗീയവാദവുമെല്ലാം
ഏറ്റവും വലിയ
ഭീക്ഷണി
അത് നില നിൽക്കുന്ന
മനുഷ്യമനസ്സുകൾക്കാണ്.
ഒരു തരം
സ്വയം ആത്മഹത്യയാണ്
അത്.

നിന്റെ ജീവനെ നിലനിർത്താൻ.ഖലീൽശംറാസ്

കോടാനുകോടി ബീജങ്ങൾ
ത്യാഗം ചെയ്തത്
നീ ഒരൊറ്റ മനുഷ്യ ജീവനുവേണ്ടിയായിരുന്നു.
കോടാനുകോടി
കോശങ്ങൾ ഇപ്പോൾ
ജീവിച്ചും മരിച്ചും കൊണ്ടിരിക്കുന്നത്
നീ ഒരൊറ്റ
മനുഷ്യ ജീവനെ
ഈ ഭൂമിയിൽ
മരണംവരെ നിലനിർത്താൻ
വേണ്ടിയാണ്.

ചോദ്യം ചെയ്യേണ്ടത്. ഖലീൽശംറാസ്

സാഹചര്യങ്ങളെയല്ല
ചോദ്യം ചെയ്യേണ്ടത്
കാരണം
സാഹചര്യത്തിന് ആത്മാവില്ല.
നീ ചോദ്യം
ചെയ്യേണ്ടത്
ആത്മാവും ജീവനുമുള്ള
നിന്റെ ചിന്തകളെയാണ്.

സ്നേഹവും സമാധാനവും. ഖലീൽശംറാസ്

നിനക്കുള്ളിൽ
സ്നേഹവും
സമാധാനവും നിറക്കുക.
സ്വയം സ്നേഹവും
സമാധാനവുമായി
മാറുക
പിന്നെ
നിനക്കുള്ളിലും പുറത്തും
നീ കാണുന്നതും
കേൾക്കുന്നതും
അനുഭവിക്കുന്നതും
സ്നേഹവും സമാധാനവും
മാത്രമായിരിക്കും.

ജീവിതാവസ്ഥ. ഖലീൽ ശംറാസ്

ഇപ്പോൾ
നിന്റെ ജീവിതത്തിന്റെ
അവസ്ഥയെന്ത്?
അത് ഈ നിമിഷം
നീ അനുഭവിക്കുന്ന
മാനസികാവസ്ഥയാണ്.
അത് നല്ല അവസ്ഥയാവണമെങ്കിൽ
ഈ ഒരു നിമിഷത്തിൽ
നീ നിന്നിലും
നീ ചെയ്യുന്ന പ്രവർത്തിയിലും
സംതൃപ്തനായിരിക്കണം.

സൂര്യനിൽ ഒരു പ്രകാശ കണികയായി. ഖലീൽശംറാസ്

സുര്യനിലേക്ക്
നിന്റെ മനസ്സിനെ കൊണ്ടുപോവുക
എന്നിട്ട് അതിന്റെ
ഒരു പ്രകാശകണികയായി
നീ മാറുക.
എന്നിട്ട് ഈ ചെറിയ
ഭൂമിയെന്ന നക്ഷത്രത്തെ നിരീക്ഷിക്കുക.
അതിനു മുകളിലൂടെ
ചലിച്ചു നീങ്ങുന്ന മനുഷ്യജീവനുകളേയും.
അപ്പോൾ
വേർതിരിവിന്റെ അതിർവരമ്പുകളില്ലാതെ
എല്ലാ മനുഷ്യരേയും
ഒന്നായികാണാൻ നിനക്കു കഴിയും.

ശാന്തി നിറഞ്ഞ കാലം. ഖലിൽശംറാസ്

എന്തും അറിയാം
വായിക്കാം
പക്ഷെ ലോകത്ത്
ഏറ്റവും സമാധാനവും
ശാന്തിയും
നിലനിൽക്കുന്ന ഒരു
കാലഘട്ടത്തിലാണ്
നീ ജീവിക്കുന്നതെന്ന സത്യം
അടിയുറച്ചു വിശ്വസിച്ചുകൊണ്ടായിരിക്കണമെന്ന് മാത്രം.
പക്ഷെ ഭൂമിയിലെ
ഏതെങ്കിലും ഒരു
ചെറിയ പ്രശ്നത്തെ പോലും
അതേ ഭൂമിയിലെ
ഏതൊരു മനുഷ്യന്റേയും .
ശ്രദ്ധകളിലേക്കും
ചിന്തകളിലേക്കും
കൊണ്ടുവവരാനും
അതിലൂടെ മനുഷ്യ മനസ്സുകളിലെ
വിലപ്പെട്ട സമാധാനം
നഷ്ടപ്പെടുത്താനുമുള്ള
വലിയ സാധ്യതകളെയാണ്
നീ സൂക്ഷിക്കേണ്ടത്.

ഏറ്റവും വലിയ പദവി. ഖലീൽശംറാസ്

ജീവിക്കുന്നുവെന്നതാണ്
ഈ ഒരു നിമിഷത്തിലെ
ഏറ്റവും വലിയ പദവി.
അത് രാജകീയ പദവിക്കും
മീതെയാണ്.
ഇത്രയും വലിയ പദവിയെ
ദുരുപയോഗപ്പെടുത്താനോ
നഷ്ടപ്പെടുത്താനോ പാടില്ല.

Sunday, July 16, 2017

ചിന്തകളിലെ തെറ്റുകൾ. ഖലീൽശംറാസ്

നിന്റെ ചിന്തകളിൽ
ഒരുപാട് തെറ്റുകൾ ഉണ്ട്.
പലപ്പോഴും
മറ്റുളളവരെ കുറിച്ചുള്ള
നിന്റെ ധാരണകൾ
ചിന്തകളിലെ തെറ്റുകളാണ്.
നീ ശരിയെന്ന്
തെറ്റിദ്ധരിച്ച തെറ്റുകൾ.

അഭിപ്രായങ്ങൾ.ഖലീൽശംറാസ്

മറ്റുള്ളവരുടെ
അഭിപ്രായങ്ങൾ
നിന്റെ യാഥാർത്ഥ്യങ്ങളല്ല.
ഒരിക്കലും അങ്ങിനെ
കരുതരുത്.
മറിച്ച് അവയെ
നിനക്ക് കരുത്ത് പകർന്ന
ഊർജ്ജമാക്കുക..

ചെറിയ സാഹചര്യവും വലിയ നീയും. ഖലീൽശംറാസ്

നിന്റെ സാഹചര്യങ്ങൾ
ചെറുതും
നീ വലുതുമാണ്.
സാഹചര്യങ്ങൾ കാരണം
വല്ലാതെ മനസ്സ്
അസ്വസ്ഥമാവുമ്പോൾ
നിന്റെ അനന്തവിശാലമായ
ലോകത്തിലെ
ചെറിയൊരു പുള്ളിയായി
അതിനെ കാണുക.

സമ്മാനം. ഖലീൽശംറാസ്

ഈ നിമിഷവും
ജീവിതവും
നിനക്കുള്ള
സമ്മാനമാണ്.
അതിനെ
ഉപയോഗപ്പെടുത്തുക.
അല്ലാതെ
ഉറപ്പില്ലാത്ത
നാളെകൾക്കായി
കാത്തിരുന്ന്
ഈ  നിമിഷത്തെ
നഷ്ടപ്പെടുത്താതിരിക്കുക..

ചിന്തകളെ ചോദ്യം ചെയ്യുക. ഖലീൽശംറാസ്

നിന്നിലെ ചിന്തകളെ
ചോദ്യം ചെയ്യുക?
അവ നിന്റെ
ലക്ഷ്യങ്ങൾക്കും
തത്വങ്ങൾക്കും
യോജിക്കുന്നുണ്ടോ എന്ന്
പരിശോധിക്കുക.
എന്നിട്ട്
മാറി ചിന്തിക്കാൻ
തയ്യാറാവുക.

ഭീതി നിറക്കപ്പെട്ട മനുഷ്യ മനസ്സുകൾ.ഖലീൽശംറാസ്

ഭീതി നിറക്കപ്പെട്ട മനുഷ്യ മനസ്സുകൾ
കേവലം കച്ചവട ചരക്കുകൾ മാത്രമാണ്.
രഷ്ട്രീയ , സാമ്പത്തിക ലാഭത്തിനുവേണ്ടിയുള്ള
കച്ചവട ചരക്കുകൾ.
ഇല്ലാത്തതൊന്നിനെ കാട്ടിയും
ഉള്ള ചെറിയതൊന്നിനെ
വലുതാക്കി കാട്ടിയും,
ചിലതിനെ സൃഷ്ടിച്ചും
മനുഷ്യ മനസ്സുകളിൽ
ഭീതിയുണ്ടാക്കാനുള്ള
ശ്രമം
അധികാര രഷ്ട്രീയം
വാഴുന്നവർ നടത്തികൊണ്ടിരിക്കും.
ആ കെണിയിൽ
സ്വന്തം സമാധാനം ത്യാഗം ചെയ്ത്
പലരും അകപ്പെട്ടുപോവുന്നു.

അവരറിയുന്ന നീ. ഖലീൽശംറാസ്

നീ അറിയുന്ന
നിന്നെയല്ല
അവർ അറിയുന്നത്.
അവരൊക്കെ
നിന്നെ അറിയുന്നതും
കാണുന്നതും
അവരുടെ
ഉള്ളിൽ അവരായി
വരച്ച നിന്റെ ചിത്രം
നോക്കിയാണ്
ഈ സത്യം
എപ്പോഴും ഓർക്കുക.

പീഡിതൻ .ഖലീൽശംറാസ്

ആത്മവിശ്വാസവും
ആത്മബോധവും
ആത്മധൈര്യവും
ചോർന്നു പോയ
ഒരു മനുഷ്യൻ
മാത്രമേ
മറ്റുള്ളവരുടെ
പീഡനങ്ങൾക്ക് മുന്നിൽ
പതറി പോവുകയുള്ളു.
അത്തൊക്കെയുള്ള ഒരു മനുഷ്യൻ
അടിപതറാതെ
നിലനിൽക്കും.

സാമൂഹിക വിജയം. ഖലിൽശംറാസ്

നീ യാത്രയായി കഴിഞ്ഞാൽ
ആരെങ്കിലും
നിന്റെ
ജീവിത പുസ്തകത്തിലെ
ഏതെങ്കിലും ഒരു
വരി വായിക്കാൻ
ഇട വന്നാൽ
അവർക്ക് നല്ല പ്രേരണയാവാൻ
എന്ത് ബാക്കിയുണ്ടാവും.
അതിലാണ്
നിന്റെ സാമൂഹിക ജീവിത വിജയം.

നിന്റെ ജീവിതം. ഖലീൽശംറാസ്

നിന്നിൽ തുടങ്ങി
നിന്നിലൂടെ സഞ്ചരിച്ച്
നിന്നിൽ തന്നെ
അവസാനിക്കുന്ന
ഒന്നാണ് നിന്റെ
ജീവിതം.
നിന്റെ പഞ്ചേന്ദ്രിയങ്ങൾക്കു മുന്നിലെ
ലോകത്തിലല്ല
മറിച്ച്
അതിൽ നിന്നും
തരംഗങ്ങളായി
പരിവർത്തനം ചെയ്ത്
നിന്റെ നാഡീവ്യൂഹത്തിൽ
ചിത്രീകരിക്കപ്പെടുന്നയിടത്താണ്
നിന്റെ ജീവിതം.

നിന്നെ തന്നെ..ഖലീൽശംറാസ്

നീ കണ്ടതും
കേട്ടതും
അനുഭവിച്ചതും
നിന്നെ തന്നെയായിരുന്നു.
അതിന് പുറത്തെ
ചില വ്യക്തികളുടേയും
സാഹചര്യത്തിന്റേയും
പേര് നൽകി എന്ന് മാത്രം.

Saturday, July 15, 2017

ശക്തനായ ഭരണാധികാരി. ഖലീൽശംറാസ്

ലോകത്തെ ഏറ്റവും ശക്തനായ
ഭരണാധികാരി
നിന്റെ മനസ്സും
അതിന്റെ ബോധവുമാണ്.
കോടാനുകോടി
ജീവനുള്ള മനുഷ്യ പകർപ്പുകളായ കോശങ്ങളുടേയും
അതിലേറെ വരുന്ന
നിന്റെ ചിന്തകളുടേയും
ഭരണാധികാരിയാണ്
നിന്റെനിന്റെ മനസ്സും
അതിന്റെ ബോധവും.

മനശ്ശക്തി. ഖലീൽശംറാസ്

നിന്റെ ബോധവും
ശ്രദ്ധയും
ലക്ഷ്യവുമാണ്
മനശ്ശക്തി.
നിന്റെ ഉപബോധ മനസ്സിനെ
ഓട്ടോമാറ്റിക്കായി
ഭരിക്കാൻ അനുവതിക്കാതെ
ശ്രദ്ധയോടെ
ബോധപൂർവ്വം
ലക്ഷ്യത്തിലേക്ക്
ഓരോ നിമിഷവും
കേന്ദ്രീകരിക്കുന്നതിലാണ്
നിന്റെ മനശ്ശക്തി.
ജീവിതവിജയത്തിനും
ആത്മബോധം നിലനിർത്താനും
നീ എപ്പോഴും ഉപയോഗിക്കേണ്ടതും
നിന്റെ മനശ്ശക്തിയാണ്.

പ്രോഗ്രാം ഖലീൽശംറാസ്

നിന്റെ ഉപബോധ മനസ്സ്
റെക്കോർഡ് ചെയ്യപ്പെട്ട
പ്രാഗ്രാമുകളെ നിനക്ക് മുന്നിൽ
അവതരിപ്പിച്ചുകൊണ്ടേയിരിക്കുന്നു.
പുതിയ പ്രാഗ്രാമുകളും
ഉള്ളതിൽ മാറ്റവുമാണ്
നീ ആഗ്രഹിക്കുന്നതെങ്കിൽ
നിന്റെ ബോധ മനസ്സിനെ
ഉപയോഗപ്പെടുത്തണം.
ബോധപൂർവ്വം
യുക്തമായി
അവയെ ഉപയോഗപ്പെടുത്തണം'.
ബോധ മനസ്സ്
അവയെ പിന്നീട്
നിന്റെ ഉപബോധമനസ്സിന്
കൈമാറികൊള്ളും.
ശീലവുമാവും.

ജീനുകൾക്ക് നൽകുന്ന സന്ദേശം. ഖലീൽശംറാസ്

നിന്റെ ജീനുകളും
കോശങ്ങളുമെല്ലാം
നിന്റെ ബോധത്തിന്റെ
നിയന്ത്രണത്തിലാണ്.
അതുകൊണ്ട്
നിന്റെ ചിന്തകളിലൂടെയും
സ്വയം സംസാരത്തിലൂടെയും
നല്ല സന്ദേശങ്ങൾ
മാത്രം അവയ്ക്ക് കൈമാറുക.
ഞാൻ ആരോഗ്യവാനും
സന്തോഷവാനും
നിത്യയൗവനത്തിലുമാണ്
എന്നൊക്കെയുള്ള സന്ദേശങ്ങൾ
അവയ്ക്ക് കൈമറുക.
ഒരുപക്ഷെ ആ ഒരു കൈമാറ്റത്തിലൂടെ
നിനക്കായി
ജീനുകളിൽ എഴുതപ്പെട്ട
രോഗാവസ്ഥകൾ പോലും
ഇല്ലാതായിക്കോളും.

മരണക്കെണി. ഖലീൽശംറാസ്

അവർ തർക്കിച്ചു
സാമ്പത്തിക ലാഭത്തിനായി
രക്തബന്ധം പോലും മറന്ന്
തർക്കിച്ചു.
അതിനിടയിൽ
അതിലൊരാൾ
തന്റെ മസ്തിഷ്ക്കത്തിൽ
അരങ്ങേറിയ
മാനസിക സമ്മർദ്ദങ്ങൾക്കൊടുവിൽ
നിശ്ശബ്ദനായി
നിലം പതിച്ചു.
മരണത്തിനു കീഴടങ്ങി.
തർക്കങ്ങളിൽ
മനുഷ്യ മനസ്സിൽ
സൃഷ്ടിക്കപ്പെടുന്ന
മാനസിക സമ്മർദ്ദങ്ങളിൽ
ശക്തമായ ഒരു കെണിയുണ്ട്.
മരന്നക്കെണി.

അവരുടെ ചിത്രം. ഖലീൽശംറാസ്

അവരുടെ ഉള്ളിൽ
വരക്കപ്പെട്ട അവരുടെ
യഥാർത്ഥ ചിത്രം
നോക്കി അവരെ നിരീക്ഷിക്കുക.
അല്ലാതെ നിന്റെ
ഉള്ളിൽ
നീയായി വരക്കപ്പെട്ട
അവരുടെ ചിത്രം നോക്കി
അവരെ വിലയിരുത്താതിരിക്കുക.
മിക്കവാറും
അത് വളരെ തെറ്റായ ഒരു ചിത്രമായിരിക്കും.

സാഹചര്യങ്ങളെ എങ്ങിനെ ചിത്രീകരിക്കുന്നു. ഖലീൽശംറാസ്

നിന്റെ സാഹചര്യങ്ങളല്ല
മറിച്ച് സാഹചര്യങ്ങളെ
നിന്റെ ആന്തരികലോകത്തിൽ
എങ്ങിനെ ചിത്രീകരിക്കുന്നുവെന്നതാണ്
നിന്റെ മാനസികാവസ്ഥകൾ
നിർണ്ണയിക്കുന്നത്.
ഏതൊരു സഹചര്യത്തിൽ
നിന്നും
അത് അനുകൂലമായാലും
പ്രതികൂലമായാലും
നിന്നിൽ നല്ലൊരു
പ്രചോദനവും
മാനസികാവസ്ഥയും
ചിത്രീകരിക്കപ്പെട്ട രീതിയിൽ
അവയെ പരിവർത്തനം
ചെയ്യുന്നതിലാണ്
നിന്റെ ജീവിത വിജയം.

നിന്റെ അകം നിരീക്ഷിക്കുക. ഖലീൽശംറാസ്

പുറത്തെ സംഭവങ്ങൾ
നിരീക്ഷിക്കാതെ
അവ മൂലം
നിന്റെ ശരീരത്തിനുള്ളിലും പുറത്തും
എന്തു സംഭവിക്കുന്നുവെന്ന് നിരീക്ഷിക്കുക.
നിന്റെ ഉള്ളിനെയാണ്
നിനക്ക് സുരക്ഷിതമാക്കാനുള്ള
കൂടെ നിന്റെ
ശരീരത്തേയും.

മാനസികാവസ്ഥകൾക്കു പിറകിൽ. ഖലിൽശംറാസ്

നിന്റെ മാനസികാവസ്ഥകൾക്കു
പിന്നിലെ നിന്റെ ചിന്തകളെ
ശ്രവിക്കുക.
വികാരങ്ങളെ നിരീക്ഷിക്കുക.
മാനസികാവസ്ഥ
നന്നാവണമെങ്കിൽ
അത് രണ്ടും
അതിനനുസരിച്ച്
പരിവർത്തനം ചെയ്യുക.

ചെറിയ അത്ഭൂതങ്ങൾ. ഖലീൽശംറാസ്

ചെറിയതും എന്നാൽ
അത്ഭുതകരവുമായ ഒരുപാട്
ലോകങ്ങളിലേക്ക്
നിന്റെ ശ്രദ്ധ പതിയേണ്ടതുണ്ട്
ഇടക്കിടെ അന്തരീക്ഷ വായുവിലേക്കും
നിന്നിലെ കോശങ്ങളിലേക്കും
സൂക്ഷ്മജീവികളിലേക്കുമൊക്കൊ
ശ്രദ്ധയെ കൊണ്ടുപോയി
അവയെ നിരീക്ഷിക്കുക,
ശ്രവിക്കുക
അനുഭവിക്കുക.

വിശ്വാസം .ഖലീൽശംറാസ്

വിശ്വാസം സമൂഹത്തിലല്ല
മറിച്ച്
അത് ജീവനുള്ള
മനുഷ്യ മനസ്സുകളിലാണ്.
ഓരോ വ്യക്തിയുടേയും
ജീവനും
ശരീരവും മനസ്സും എത്ര വ്യത്യസ്തമാണോ
അതുപോലെ വ്യത്യസ്തമാണ്
അവന്റെ വിശ്വാസവും
എന്ന സത്യം മനസ്സിലാക്കുക.

പുഞ്ചിരി. ഖലിൽശംറാസ്

ഒരു പുഞ്ചിരിക്ക്
ഒരു പാട് നീണ്ട
സംസാരത്തേക്കാൾ
ശക്തിയുണ്ട്.
അതുകൊണ്ട് കുറച്ച്
സംസാരിക്കാനും
കൂടുതൽ
പുഞ്ചിരിക്കാനും
ശീലിക്കുക.

അടിമ. ഖലീൽശംറാസ്

നീയെന്തിന്റെയൊക്കെയോ
അടിമയാണ്.
എന്തിന്റെ അടിമയാണ്
എന്ന് നിരീക്ഷിക്കുക.
പലപ്പോഴും
നീയെന്തൊന്നിനെയാണോ
ശത്രുപക്ഷത്ത് നിർത്തുന്നത്
അതിന്റെ അടിമയാണ്
നീയെന്ന സത്യം നിനക്ക് മനസ്സിലാവും.
കാരണം നിന്റ
ചിന്തകളിൽ വാഴുന്നത്
ശത്രുപക്ഷത്തെ കുറിച്ചുള്ള
സംസാരങ്ങളായിരിക്കും.

മനസ്സിന്റെ കാലാവസ്ഥ. ഖലീൽശംറാസ്

ഭാഹ്യാനുഭവങ്ങളിൽ നിന്നും
നീ വിഷയങ്ങൾ
കണ്ടെത്തുന്നു.
അല്ലെങ്കിൽ സ്വയം
പ്രവേശിക്കുന്നു .
അവ നിന്നിൽ
ആന്തരികമായ സ്വയംസംസാരങ്ങൾക്ക്
തുടക്കം കുറിക്കുന്നു.
അവ നിന്റെ
മനസ്സിന്റെ കാലാവസ്ഥയാവുന്നു.

ആദ്യത്തേയും അവസാനത്തേയും നിമിഷം. ഖലീൽശംറാസ്

ഈ ഒരു നിമിഷം
നിന്റെ ജീവിതത്തിലെ
ആദ്യത്തേതും അവസാനത്തേതുമാണ്.
അത് സ്വന്തത്തിനും
മറ്റുള്ളവർക്കും
സംതൃപ്തി നൽകിയതാവണം.
അത് നിന്റെ
വിജയമാവണം.

ഉത്തരം മാറ്റിയെഴുതാൻ. ഖലീൽശംറാസ്

നീ പരാജയപ്പെടുന്നില്ല.
ഉത്തരം മാറ്റിയെഴുതാനുള്ള
വലിയ ഒരവസരം
നിനക്ക് മുന്നിൽ
തെളിയുകമാത്രമാണ്.
അതുകൊണ്ട്
പരാജയത്തിൽ ദുഃഖിതനാവാതെ
ഉത്തരം മാറ്റിയെഴുതാൻ
വലിയൊരു അവസരം ലഭിച്ചതിൽ
സന്തോഷവാനാവുക.

തീരുമാനങ്ങളെടുക്കും മുമ്പ്. ഖലീൽശംറാസ്

എടുത്തുചാടി ഒരു തീരുമാനവുമെടുക്കരുത്'.
അവ വൈകാരികമായെടുക്കുന്ന
തിരുമാനമാവും
നിന്നെ അപകടത്തിലും
നഷ്ടത്തിലും ചെന്നെത്തിക്കും.
തിരുമാനങ്ങളെടുക്കുന്നതിനുമുമ്പ്
അവയെ നിന്റെ
ചിന്തകളിൽ ചർച്ചക്കുവെക്കുക.
പേന കൊണ്ട് എഴുതി വെക്കുക.
ആവശ്യമാണോ
അല്ലേ എന്നൊക്കെ
വിലയിരുത്തുക.
എന്നിട്ട് തീരുമാനമെടുക്കുക.

പൊരുത്തം. ഖലീൽശംറാസ്

നിന്റെ ഉള്ളിലെ
സ്വയം സംസാരവും
പുറത്തെ പ്രേരണയും
പൊരുത്തപ്പെടുമ്പോഴാണ്
സത്യം സത്യമായി
മനസ്സിലാക്കപ്പെടുന്നത്.
പലപ്പോഴും
ഈ ഒരു
പൊരുത്തം
ഉണ്ടാവാറില്ല എന്നതാണ്
പരമസത്യം.

Wednesday, July 12, 2017

ആത്മസംതൃപ്തി. ഖലീൽശംറാസ്

ആത്മസംതൃപ്തിയെന്നാൽ
നിന്റെ ശരീരത്തിലെ കോടാനുകോടിവരുന്ന
ഓരോ ജീവനുള്ള
നിന്റെ സ്വന്തം പതിപ്പുകളായ
കോശങ്ങളെ സംതൃപ്തിപ്പെടുത്തുക
എന്നാണ് അർത്ഥം.
ആത്മ സംതൃപ്തിക്കായി
നന്മ നിറഞ്ഞ ഏതൊരു
പ്രവർത്തിയിൽ മുഴുകുമ്പോഴും
നീ ഒരോ കോശത്തേയുമാണ്‌
സംതൃപ്തനാക്കുന്നതും
ഭക്ഷിപ്പിക്കുന്നതും.

യാഥാർത്ഥ്യം അംഗീകരിച്ച്.ഖലീൽശംറാസ്

സംഭവിച്ചത് സംഭവിച്ചു.
അത് പച്ചയായ യാഥാർത്ഥ്യമാണ്.
നിനക്ക് മുന്നിൽ
തിരഞ്ഞെടുക്കാൻ
രണ്ട് അവസ്ഥകൾ തെളിഞിരിക്കുന്നു.
ഒന്നുങ്കിൽ
സംഭവത്തെ അംഗീകരിച്ചുകൊണ്ട്
സന്തോഷവാനായിരിക്കാം.
അല്ലെങ്കിൽ
ദു:ഖവാനായിരിക്കാം.
രണ്ടായാലും
സംഭവിച്ചത്
സംഭവിക്കാതിരിക്കുന്നില്ല.
പക്ഷെ ഈ ഒരു
നിമിഷം സന്തോഷിക്കാൻ
തയ്യാറായാൽ
സംതൃപ്തകരമായതും
വേദനയില്ലാത്തതുമായ
ഒരു ജീവിതം നിനക്കു ലഭിക്കും.