Thursday, June 15, 2017

ഞാൻ അത്യാവേശത്തിലാണ്. ഖലീൽശംറാസ്

സമ്മർദ്ദങ്ങൾക്കും
ആവേശത്തിനും
നിന്റെ നാഡീവ്യൂഹവും
ഹോർമോണുകളും
വരക്കുന്ന ആന്തരിക ചിത്രം
ഒന്നുതന്നെയാണ്.
ആകെ ഒരു വ്യത്യാസമേ
ഉള്ളൂ.
ആ ഒരു രേഖാചിത്രത്തിന്
നീ കൊടുക്കുന്ന തലക്കെട്ട്.
അനുഭവങ്ങൾ
എഴുതികൊടുക്കുന്ന തലക്കെട്ട്.
വാക്കുകളായി
നീ അവ പകർന്നുകൊടുക്കുന്നു.
സമ്മർദ്ദത്തെ ആവേശമാക്കാൻ
ആ തലക്കെട്ടൊന്ന് മാറ്റിയാൽ
മാത്രം മതി.
ഞാൻ സമ്മർദ്ദത്തിലാണ്
എന്നതിനു പകരം
ഞാൻ അത്യാവേശത്തിലാണ്
എന്ന് മാറ്റി എഴുതുക.