Wednesday, May 24, 2017

കാരുണ്യത്തിന്റെ മാസം. ഖലീൽശംറാസ്

ശരീരത്തിനും
മനസ്സിനും
സമ്പത്തിനും
ഒരച്ചടക്കം അനിവാര്യമാണ്.
ആ അച്ചടക്കത്തിന്റെ
പാഠശാലയാണ്
ഈ മാസം.
ജലപാനീയങ്ങൾ
വർജിച്ച്
ശരീരത്തിന്റേയും
ഒരുപാട്
നമസ്കാര ധ്യാന മുറകളിലൂടെ
മനസ്സിനേറെയും
തിന്നുകൊണ്ടേയിരിക്കുക
വേണ്ടാത്തത് ചിന്തിച്ചുകൊണ്ടേയിരിക്കുക
എന്ന രണ്ട് വഴിതെറ്റിയ
ആദർശങ്ങളിൽനിന്നും
ശരിയായ
ആവശ്യത്തിനുമാത്രം തിന്നുക,
വൈകാരികമായ സന്തുലിതാവസ്ഥ
നിലനിർത്തി
പകയും ദേശ്യവും വെടിഞ്ഞ്
നല്ലതുമാത്രം ചിന്തിക്കുക
തുടങ്ങിയ അടിസ്ഥാന
ആദർശക്കളിലേക്ക്
മനുഷ്യ ശരീരത്തേയും
മനസ്സിനേയും പാകപ്പെടുത്തിയെടുക്കാനുള്ള
പരീക്ഷണശാലയാണ്
തെറ്റുകൾ എരിയിച്ചു കളയുന്ന,
പൂണ്യങ്ങളുടെ വസന്തകാലമായ ഈ മാസം.
പല നിയമങ്ങളും തെറ്റിദ്ധരിപ്പിക്കപെട്ടിട്ടുണ്ട്
തെറ്റിദ്ധരിപ്പിക്കപ്പെട്ടത്
ശരിയായ ആദർശമായി
നില നിന്നപ്പോൾ
കാരുണ്യത്തിന്റെ ദർശനത്തിന്
അതിന്റെ വിപരീത അർത്ഥങ്ങൾ
കുറിക്കപ്പെട്ടിട്ടുണ്ട്.
യഥാർത്ഥ അറിവില്ലായ്മയും
വൈകാരികമായ പ്രതികങ്ങളും
ചെരിപ്പിനനുസരിച്ച് കാലുമുറിച്ചതുമാണ്
ഈ ആദർശ വ്യതിയാനങ്ങൾക്ക് കാരണമായത്.
ചില ഭക്ഷണങ്ങളെ
നിഷിദ്ധമാക്കിയിട്ടുണ്ട്.
പോഷകമൂല്യമില്ലാത്ത
ഭക്ഷണക്കും വിലക്കുണ്ട്
എന്ന സത്യം
സമൂഹം
മറന്നിട്ടുണ്ട്.
അതുകൊണ്ടാണ്
പൊരിച്ചും വറുത്തും
പോഷകമൂല്യം നഷ്ടപ്പെടുത്തി
വികൃതമാക്കിയ
ഭക്ഷണവസ്തുക്കൾ
നല്ല ഭക്ഷണങ്ങൾ പോലും
വർജ്ജിക്കാൻ
ആവശ്യപ്പെട്ട ഈ
മാസത്തിൽ പോലും
സുലഭമായി ലഭ്യമാവുന്നത്.
അത്തരം ഭക്ഷണങ്ങൾ
നോമ്പുതുറകളിലെ
അടിസ്ഥാന വിഭവങ്ങൾ ആവുന്നത്‌.
മനുഷ്യകുലത്തിന്റെ
ആദിതൊട്ട്
നിലവിലുള്ള
ഈശ്വര സമർപ്പണത്തിന്റെ ദർശനം
സമാധാനമാണ്.
ആ ദർശനം
ഓരോ നിമിഷവും
ഓരോ വ്യക്തിക്കും
ലോകത്തിനും കൈമാറാൻ
ആവശ്യപ്പെടുന്നത് സമാധാനമാണ്.
ക്ഷമക്ക് വിശ്വാസത്തിന്റെ
പാതിതന്നെ കൽപ്പിച്ചു നൽകിയതും.
സ്വർഗ്ഗത്തിന്റെ സ്ഥാനം പോലും
മാതൃസ്നേഹത്തിനും താഴെ
നൽകിയതും
കാരുണ്യവാനും കരുണാനിധിയുമായ
ഒരു ദൈവത്തിന്റെ
നാമത്തിൽ
ഓരോ പ്രവർത്തിയും തുടങ്ങാൻ ആവശ്യപ്പെട്ടതും
സമാധാനാന്തരീക്ഷം
മനസ്സിൽ നിലനിർത്താനും
ഉള്ളിലെ സമാധാനം
ഭാഹ്യ സാഹചര്യങ്ങൾക്ക്
പകർന്നുകൊടുക്കാനും വേണ്ടിയാണ്.
പുറത്ത് എന്തു കേൾക്കുന്നുവെന്നതല്ല
മറിച്ച് നിന്റെ ഉള്ളിൽ
ഈ സമാധാനം
നിലനിൽക്കുന്നുണ്ടോ
എന്ന് മാത്രം ശ്രദ്ധിക്കുക.
കാരണം പുറത്ത്
തെറ്റിദ്ധാരണകളാണ്
പലപ്പോഴും ശരിയായി
നിലനിൽക്കുന്നത്.
അതുകൊണ്ട്
അശാന്തിയെന്ന കേട്ടുകേൾവികളിലേക്ക്
ശ്രദ്ധ ചെലുത്താതെ
ഉള്ളിലെ സമാധാനത്തിലേക്ക്
ശ്രദ്ധ കേന്ദ്രീകരിക്കുക.
നിഷ്ക്കളങ്കമായ മനസ്സ്
നിലനിർത്താനും
അനാവശ്യമായ ഭക്ഷണം
ഒഴിവാക്കി ആരോഗ്യം നിലനിർത്താനും
സമ്പത്തിൽ നിന്നൊരു
പങ്ക് അതിനർഹപ്പെട്ടവർക്ക് കൈമാറി
പണത്തോടുള്ള അത്യാർത്തി ഒഴിവാക്കി
മറ്റുള്ളവർക്ക് ഉപകാരപ്പെട്ട
സമ്പത്തിനുടമയാവാനും.
കാരുണ്യവാനിലുള്ള സമ്പൂർണ്ണ
സമർപ്പണത്തിലൂടെ
ഉള്ളിൽ സമാധാനം നിലനിർത്താനും
അതിലൂടെ
പരസ്പര സ്നേഹബന്ധങ്ങൾ
ഊട്ടിയുറപ്പിക്കാനും
കാരുണ്യത്തിന്റെ ഈ മാസം
ഒരു കാരണമാവട്ടെ.