Sunday, May 21, 2017

അവരാണ് വലുത്. ഖലീൽശംറാസ്

അവരോട് സംസാരിക്കുമ്പോൾ
നിന്നെ ശ്രവിക്കാനായി
അവരുടെ വിലപ്പെട്ട സമയം
അനുവദിച്ചുതന്ന
അവരാണ് നിനക്ക് വലുത്.
അവരുടെ മനസ്സായി
ആ നിമിഷങ്ങളിൽ നിനക്ക്
മാറാൻ കഴിയണം.
നീ പങ്കുവെക്കുന്ന
ഓരോ വാക്കും
അവരുടെ കാതിലൂടെ
ചെന്നെത്തുന്നത്
അവരുടെ ചിന്തകളും
വികാരങ്ങളും
അടങ്ങിയ
മനസ്സിന്റെ
സ്വയം സംസാരത്തിന്റെ
വേദിയിലേക്കാണെന്ന സത്യം
മനസ്സിലാക്കുക.
അവിടെ എങ്ങിനെ
അവ സ്വാധീനിക്കുന്നുവെന്നത്
നിനക്ക് അറിയാൻ കഴിയണം.
ആ സ്വാധീനം
നല്ലതും സന്തോഷം
പരത്തിയതുമാവാണമെങ്കിൽ
നിന്റെ വാക്കുകൾ
ക്ഷമയുടേയും
സുക്ഷ്മതയുടേയും
അച്ചുകളിൽ
വാർത്തെടുത്തതാവണം.