Wednesday, May 31, 2017

തലച്ചോറിന്റെ സൃഷ്ടി. ഖലീൽശംറാസ്

ഒരുപാട് ഞെട്ടിക്കുന്ന രംഗങ്ങൾ.
മനസ്സിനെ മുറിവേൽപ്പിക്കുന്ന
വൈകാരിക മുഹൂർത്തങ്ങൾ.
ഒരുപാട് പ്രതിസന്ധികൾ.
ആകെ പ്രശ്നങ്ങൾ.
ഇതൊക്കെ എന്റെ
ജീവിതത്തിൽ സംഭവിക്കുകയാണല്ലോ
എന്ന് കോരിത്തരിച്ചിരിക്കുമ്പോഴാണ്
ക്ലോക്കിലെ അലാറം
മുഴക്കുന്നത്.
നീ ഞെട്ടിയെഴുനേറ്റു.
ദൈവത്തിന് സ്തുതി പറഞ്ഞു.
കാരണം കണ്ടതെല്ലാം
വെറും സ്വപ്നങ്ങളായിരുന്നു.
ശരിക്കും പറഞ്ഞാൽ
ഇതുതന്നെയാണ്
ഉണർന്നിരിക്കുമ്പോഴും
സംഭവിക്കുന്നത്.
സ്വപ്നം കണ്ട അതേ
തലച്ചോറിലാണ് സാഹചര്യങ്ങളെ
കാരണമാക്കി
പേടിയും ആശങ്കയും
ദുഃഖവുമെല്ലാം
സൃഷ്ടിക്കുന്നത്.
ഇത്തരം അനുഭവങ്ങൾ
അനാവശ്യ വികാരങ്ങൾ
സൃഷ്ടിക്കുമ്പോൾ
നിന്റെ സ്വന്തം തലച്ചോറിലേക്ക്നോക്കി
നിനക്ക് പറയാൻ
കഴിയണം
ഇതൊക്കെ സ്വന്തം തലച്ചോറിന്റെ
സൃഷ്ടിയാണ്.
എന്നിട്ട് ദൈവത്തോട് നന്ദി പറയുക.