Sunday, January 22, 2017

വീണ്ടെടുത്ത വിജയം.ഖലീൽശംറാസ്

ഞാനിനും ഓർക്കുന്നു.
അന്നൊരു യുവജനോൽസവത്തിൽ
ഇംഗ്ലീഷ് കയ്യെഴുത്തിന്
ഒന്നാം സ്ഥാനം ലഭിച്ചത്‌.
എനിക്ക് ലഭിച്ച
ഏറ്റവും വലിയ
അംഗീകാരമായിരുന്നു അത് .
പക്ഷെ
ഇന്ന്
ഞാൻ പല രോഗികൾക്കും
കുറിച്ചുകൊടുത്ത
കുറിപ്പുകളിൽ കുറിച്ചിട്ട
എന്റെ കയ്യക്ഷരത്തിലേക്ക്
നോക്കി.
ഇന്നൊരു മത്സരം നടക്കുകയാണെങ്കിൽ
ഏറ്റവും അവസാന സ്ഥാനത്തെത്താൻ
പാകത്തിൽ എന്റെ
അക്ഷരങ്ങൾ പരിണമിച്ചിരിക്കുന്നു.
വിജയത്തിന്റെ
കൊടുമുടിയിലെത്തി
താഴേക്ക് എടുത്തു ചാടിയ പോലുള്ള
ഒരു പതനം.
ആ മാതൃകയും സർട്ടിഫിക്കറ്റും
അന്നനുഭവിച്ച
സന്തോഷവും ഇന്നും
എന്റെ കൂടെയുണ്ട്.
ഇനി മരണം വരെ
ആ നല്ല അക്ഷരം കൊണ്ട്
എഴുത്ത് തുടരാനും.
കൂടാതെ ലഭിച്ച അനുഗ്രഹങ്ങളേയും
വിജയങ്ങളേയും.
വലിച്ചെറിയല്ലേ എന്ന സന്ദേശവും..