Wednesday, August 16, 2017

മറ്റുള്ളവരിലൂടെ ഒരു സഞ്ചാരം.my diary.khAleelshamras

ഓരോ മനുഷ്യ ശരീരത്തിലൂടെ
നിന്നെയൊന്ന് സഞ്ചരിപ്പിച്ചു നോക്കൂ.
നീ അനുഭവിച്ചതിൽ നിന്നും
തികച്ചും വ്യത്യസ്ഥമായ
മറ്റൊരു ലോകം
നിനക്ക് മുന്നിൽ
തെളിഞ്ഞു വരുന്നത് കാണാം.
നിന്റെ വേദനകൾ
നിമിഷ നേരം കൊണ്ട്
സംതൃപ്തിയാവുന്നതും
സംതൃപ്തി വേദനയായും
പരിണമിക്കുന്നത് കാണാം.
നിനക്കുള്ളിലെ സ്വയം സംസാരങ്ങൾ
മറ്റൊരു തരത്തിലേക്ക്
പരിണമിക്കുന്നത് കാണാം.

Tuesday, August 15, 2017

നല്ല കഥ.my diary.khaleelshamras

അവരിൽ നല്ലൊരു
കഥ എഴുതിക്കൊടുക്കുക.
നല്ല വാക്കുകൾ കൊണ്ടും
മുഖഭാവങ്ങൾകൊണ്ടും
അവരുടെ മനസ്സിൽ
നല്ല മാനസികാവസ്ഥയുടെ
നല്ല കഥ കുറിച്ചുകൊടുക്കുക.
എന്നും വായിക്കാൻ
പാകത്തിലുള്ള
നല്ലൊരു പുസ്തകമായി
അവരാ കഥ
ഓർമ്മയുടെ അമോറയിൽ
സൂക്ഷിക്കട്ടെ.

നിന്റെ മരണത്തിന്റെ കണ്ണിലൂടെ. My diary . khaleelshamras

ഓരോ ദിവസവും
വല്ല വേദനിപ്പിക്കുന്ന അനുഭവങ്ങളും
കടന്നു വരുമ്പോൾ
നിന്റെ മരണത്തെ മുന്നിൽ കാണുക.
ആ മരണത്തിന്റെ
കണ്ണുകളിലൂടെ അനുഭവത്തെ കാണുക.
എല്ലാ വേദനിപ്പിക്കുന്ന
അനുഭവങ്ങളേയും
മായ്ച്ചു കളയുന്ന
മരണത്തിന്റെ കണ്ണിലൂടെ
കണ്ട ആ വേദനയില്ലാത്ത
അവസ്ഥയിലേക്ക്
അനുഭവത്തോടുള്ള
പ്രതികരണത്തെ
പരിവർത്തനം ചെയ്യുക.

ഇന്നലെകൾ. My diary.khaleelshamras

ഇന്നലെകൾ
നിനക്ക് വീണ്ടും ജീവിക്കാനുള്ളതല്ല.
മറിച്ച്
ഇന്നലെകളിലെ അനുഭവങ്ങളിൽ നിന്നും
പകർത്തിയ
അനുഭൂതികളേയും
പാഠങളേയും
ഈ ജീവിക്കുന്ന
നിമിഷത്തിലേക്ക്
പകർത്താനുള്ളതാണ്.

മനസ്സിന്റെ മസിലുകൾ. മൈ ഡയറി.ഖലീൽശംറാസ്

മനസ്സിന്റെ മസിലുകൾക്ക്
കരുത്ത് പകരുക.
നിനക്ക് മുന്നിലെ
പ്രതിസന്ധികളാണ്
ആ മസിലുകൾക്ക്
കരുത്തേകുന്നത് എന്ന സത്യം
മറക്കാതിരിക്കുക.

അത്ഭുതം. മൈ ഡയറി ഖലീൽശംറാസ്

ലോകത്തെ ഏറ്റവും
വലിയ അത്ഭുതം
പ്രപഞ്ച വിസ്മയങ്ങളോ
ഭുമിയിലുള്ളവയോ അല്ല.
മറിച്ച് നീ ഈ ഒരു നിമിഷത്തിൽ
അനുഭവിക്കുന്ന ജീവനാണ്.
ജീവന്റെ ശബ്ദമായ
ചിന്തകളാണ്.
ആ ചിന്തകളാണ്
പ്രപഞ്ച വിസ്മയങ്ങളിലേക്ക്
ഇറങ്ങിചെല്ലാൻ പോലും
നിന്നെ സഹായിക്കുന്നത്.

ഏറ്റവും നല്ല നിമിഷങ്ങൾ.my diary.khaleelshamras

ഇന്നും നീ ഉണർന്നു
അതും ജീവനോടെ.
ഏറ്റവും പുതുപുത്തൻ
നിമിഷങ്ങളിലേക്ക് പ്രവേശിക്കാൻ
നീ ഒരുങ്ങി നിൽക്കുന്നു.
നിന്റെ ജീവിതത്തിലെ
ഏറ്റവും നല്ല നിമിഷങ്ങളായി
നിന്റെ ഈ നിമിഷങ്ങളെ
മാറ്റുക.

അലസതയോടെ തുടങ്ങി. My diary.khaleelshamras

അലസതയോടെയും
മുശപ്പോടെയും തന്നെയാണ്
ഏതൊരു മനുഷ്യന്റേയും
ജീവിതം തുടങ്ങുന്നത്.
പിന്നെ പതിയെ പതിയെ
ഫാസ്റ്റായി ജീവിതം
മാറുകയാണ് ചെയ്യുന്നത്.
അലസതയെ
ആവേശമാക്കി മാറ്റുകയാണ് വേണ്ടത്.

പ്രിയപ്പെട്ടൊരാളെ തേടി.my diary.khaleelshamras

പ്രിയപ്പെട്ടൊരാളെ തേടിയുള്ള
അന്വേഷണം തന്നെ
അവരെ കണ്ടെത്തലാണ് .
കാരണം ആ അന്വേഷണം
അവരുടെ ജീവനുള്ള
ചിത്രത്തെ നിന്റെ
മനസ്സിലേക്ക് കൊണ്ടുവരുന്നു.
ആ ചിത്രം തന്നെയാണ് ആ കണ്ടെത്തൽ.
ഇനി ഒരിക്കൽ അവരെ
നേരിട്ട് കണ്ടെത്തിയാലും
തലച്ചോറിൽ തെളിയുന്നത്
ഇതേ ചിത്രം തന്നെയായിരിക്കും.

നിന്നിൽ നിന്നും ലഭിക്കേണ്ടത്.my diary.khaleelshamras

അവരിൽ നല്ല മാനസികാസ്ഥകൾ
സൃഷ്ടിക്കുക.
അവർക്ക് പുതിയതെന്തെങ്കിലും
പകർന്നു കൊടുക്കുക.
അവർക്കെന്നെന്നും
ഓർക്കാൻ പാകത്തിൽ
ആ നിമിഷങ്ങളെ മാറ്റുക.
അതായിരിക്കണം
നിന്നോടൊപ്പം സമയം പങ്കിട്ട
ഓരോ മനുഷ്യനും
നിന്നിൽ നിന്നും ലഭിക്കേണ്ടത്.

അവരെ വായിക്കാൻ.My diary.khaleelshamras

അവരുടെ വാക്കുകൾ
മാത്രം ശ്രവിച്ചാൽ പോര.
അവരുടെ മുഖഭാവവും
ഉള്ളിലെ മനസ്സും
അതുമായി ബന്ധപ്പെട്ട ചിന്തകളും
വായിച്ചെടുക്കാൻ
കഴിഞ്ഞാലേ
അവരുടേതായ രീതിയിൽ
അവരുടെ ആശയം
മനസ്സിലാക്കാൻ കഴിയൂ.
അതൊന്നും മനസ്സിലാക്കാതെയുള്ള വായന
അവരുടേത് വായിക്കലല്ല.
മറിച്ച് നിന്റെ
സ്വന്തത്തെ വായിക്കലാണ്.

Monday, August 14, 2017

ഏറ്റവും നല്ല സമയം.my diary.khaleelshamras

എറ്റവും നല്ല
നിമിഷം ഈ ഒരു നിമിഷമാണ്,
ദിവസം ഈ
ഒരു ദിവസവും.
കരുത്തുറ്റ ഈ ഒരു
സമയത്തിൽനിന്നും
സംതൃപ്തി കണ്ടെത്തുക.

ഏത് കഥ ചർച്ച ചെയ്യുന്നു.my diary.khaleelshamras

ലോകവും അതിലെ
മനുഷ്യരും ഏത് കഥ
പറഞ്ഞും ചർച്ച ചെയ്തും കൊതിരിക്കുന്നുവെന്നതല്ല
മറിച്ച്
നിന്റെ സ്വയം സംസാരത്തിൽ
എത് കഥ
പറഞ്ഞുകൊണ്ടിരിക്കുന്നുവെന്നതാണ്
വിഷയം.

അവരുടെ ഭാഗമായി. My diary.khaleelshamras

ശരിക്കും മറ്റുള്ളവരോട്
സംസാരിക്കുമ്പോൾ
അവരുടെ ജീവനിലേക്കിറങ്ങിചെന്ന്
അവരുടെ ആന്തരിക ലോകത്തെ
അനുഭവിച്ചറിയുക.
അവരുടെ ആന്തരിക ലോകത്തിന്റെ
ഭാഗമായി അവരോട്
സംസാരിക്കുക.

മറ്റുള്ളവരുടെ ഇഷ്ടങ്ങളിൽ തൊട്ടുകളിക്കരുത്. My diar.khaleelshamras

തമാശക്കാണെങ്കിൽ
പോലും മറ്റുള്ളവരുടെ
ഇഷ്ടങ്ങളിൽ തൊട്ടുകളിക്കരുത്.
കാരണം അവരുടെ
ഇഷ്ടം അവരുടെ ജീവനാണ്.
ഒരു ചെറിയ
വിമർശനം പോലും
അവരെ ശക്തമായി
വേദനിപ്പിക്കും.

സംസാരം. My diary.khaleelshamras

നിന്റെ സംസാരം
ശരിയായ ചിന്തകളിൽ നിന്നും
ശരിയായ രീതിയിൽ
രൂപപ്പെടുത്തിയതാവണം.
അല്ലാതെ വൈകാരികതയിൽ
അടിസ്ഥാനമാക്കിയാവരുത്.
യുക്തമായി ചിന്തിക്കാതെ
രൂപപ്പെടുത്തിയ
സംസാരങ്ങളാണ്
പലപ്പോഴും
സ്വന്തത്തിലും മറ്റുള്ളവരിലും
അപകടങ്ങൾ സൃഷ്ടിക്കുന്നത്‌.

വാക്കിനു പിറകിലെ സത്യം.my disry.khaleelshamras

ഓരോ വാക്കിനും
പിറകിൽ
ചിന്തകളുടേയും
വികാരങ്ങളുടേയും
നീണ്ടൊരു അകമ്പടിയുണ്ട്.
അതാണ് ആ വാക്കിനു
പിറകിലെ സത്യം.

ചെയ്യുന്ന പ്രവർത്തിയിൽ സംതൃപ്തി. My diary.khaleelshamras

എന്തെങ്കിലും ഒരു പ്രവർത്തിയിലേർപ്പെടാതെ
ഒരു  നിമിഷം പോലും
ജീവനുള്ള ഒരു മനുഷ്യനും
ജീവിക്കുന്നില്ല.
ഈ ഒരു നിമിഷത്തിൽ
ഏത് പ്രവർത്തിയാണോ
ചെയ്യുന്നത്
അതിൽ പൂർണ്ണ
സംതൃപ്തിയും സന്തോഷവും
കണ്ടെത്തുക എന്നതാണ്
ഓരോ മനുഷ്യനും
ചെയ്യാനുള്ളത്
അല്ലാതെ സംതൃപ്തിയും സന്തോഷവും
നിറഞ്ഞ ഒരു
ജീവിത നിമിഷത്തിനായി
കാത്തിരിക്കുകയല്ല വേണ്ടത്.

നീയെന്ന ശൂന്യത. My diary.khaleelshamras

നിന്നിലിരുന്ന് നീ നിന്നെ കാണുക.
പ്രപഞ്ചത്തിന്റെ അനന്തതയോളം
വ്യാപ്തിയുള്ള ഒരു നിന്നെ നിനക്കു കാണാം.
ഒരു സൂക്ഷ്മ ജീവിയിലിരുന്നോ
മറ്റൊരു മനുഷ്യനിലിരുന്നോ
ഒരു നാട്ടിലിരുന്നോ
ഭുമിയിലിരുന്നോ
അല്ലെങ്കിൽ മറ്റൊരു നക്ഷത്രത്തിലിരുന്നോ
നിന്നിലേക്ക് നോക്കുക.
അവിടെയൊക്കെ കാണുന്നത്
നീയെന്ന കേവലം ശൂന്യതയെയായിരിക്കും.

അവരെന്ന സങ്കൽപ്പം.my diary.khaleelshamras.

ഒരു വ്യക്തിയേയും
സമൂഹത്തേയും
അവരായിട്ടോ
അവയായിട്ടോ
നീ അറിയുന്നില്ല.
അവയെ നീ അറിയുന്നത്
അവരെ കുറിച്ച്
നീ എഴുതിവെച്ച
സങ്കൽപ്പങ്ങളായിട്ടാണ്.

ജീവൻ തന്നെയാണ് സ്വാതന്ത്ര്യം. Happy independence day.my diary.khaleelshamras

ഇവിടെ ആരും ആരാലും
അടിമയാക്കപ്പെടുന്നില്ല.
സ്വാതന്ത്ര്യം എന്നത്
ഒരു മനുഷ്യകൂട്ടം മറ്റൊരു കൂട്ടത്തിന്
അനുവദിക്കുന്ന ഔദാര്യമല്ല
മറിച്ച് പിറന്നു വീണ ഓരോ
മനുഷ്യനും തന്റെ
പിറവിയിൽ ലഭിച്ച സമ്മാനമാണ്.
ഒരു മനുഷ്യന്റെ ജീവൻ തന്നെയാണ്
അവന്റെ സ്വാതന്ത്ര്യം.
ജീവിക്കുന്നുവെന്നത്
സ്വതന്ത്രനാണ് എന്നതിന്റെ
തെളിവുമാണ്.
തന്റെ നിയന്ത്രണത്തിലില്ലാത്ത
മേഖലയിൽ സ്വാതന്ത്ര്യം
അന്വേഷിക്കരുത്.
അത്തരം അന്വേഷണം
ഒരു മനുഷ്യൻ കുരങ്ങാവാനോ
വെറസ് ആവാനോയൊക്കെ
ആഗ്രഹിക്കുന്നതുപോലെയാണ്.
മനുഷ്യന്റെ സ്വാതന്ത്രം
സാഹചര്യങ്ങളോടുള്ള പ്രതികരണത്തിലാണ്.
സ്വന്തം നല്ല മാനസികാവസ്ഥ
തകരാത്ത രീതിയിലുളള
പ്രതികരണത്തിലാണ് സ്വാതന്ത്ര്യം.
ഇവിടെ ഒരാൾക്കും മറ്റൊരാളെ
ഭീക്ഷണിപ്പെടുത്താനാവില്ല.
കാരണം ഭീക്ഷണിക്ക് വഴങ്ങുക
എന്നത് സാഹചര്യമല്ല
മറിച്ച് പ്രതികരണമാണ്.
ചുറ്റുപാടുകൾ എറ്റവും നല്ലതായ
നാടുകളിലാണ്
ഏറ്റവും കൂടുതൽ ആത്മഹത്യകൾ നടക്കുന്നത്.
ഒരു പാട് പ്രശ്നങ്ങളുള്ള
നാളുകളിൽ ആത്മഹത്യാ പ്രവണതകൾ ഒരുപാട് കുറവാണ്.
കാരണം ആ പ്രശ്നങ്ങൾ
അവരുടെ മനസ്സുകളിൽ
അത്മ ധൈര്യത്തിന്റെ പ്രതികരണങ്ങളാണ്
സൃഷ്ടിച്ചത്.
നിനക്ക് ജീവനുണ്ട്
ജീവിതമുണ്ട്
സ്വാതന്ത്ര്യവുമുണ്ട്.
സ്വാതന്ത്ര്യം തന്നെയാണ് ജീവൻ.
ആ ജീവന്റെ പ്രതിഫലനം
നിന്റെ ചിന്തകളിലും
ആന്തരിക പ്രതികരണത്തിലും
സ്വയം സംസാരത്തിലുമാണ്.


അത്മബോധം. ഖലീൽശംറാസ്

ഏതൊരു സാഹചര്യത്തിലും
നിന്റെ ആത്മബോധത്തെ
സജ്ജമാക്കിവെക്കുക.
നിന്റെ നല്ല മാനസികാന്തരീക്ഷത്തിന്
ഭീക്ഷണിയായി സാഹചര്യങ്ങൾ
മുന്നിൽ നിൽക്കുമ്പോൾ
ആത്മബോധത്തിന്റെ
ആക്ഞ്ഞകൾക്ക് കാതോർക്കുക.

Saturday, August 12, 2017

മറ്റുള്ളവരെ കാണിക്കാനായി. My diary.khaleelshamras

ഓരോ വ്യക്തിയുടേയും
ഭാഹ്യ പ്രകടനങ്ങൾ
അത് നല്ലതായാലും
ചീത്തയായാലും
ഞാനിവിടെ ജീവിക്കുന്നുവെന്ന്
മറ്റുള്ളവർക്ക് കാണിക്കാൻ വേണ്ടിയാണ്.
എന്റെ വീട്ടിലെ താമസ്സക്കാരാണ്
നിങ്ങളൊക്കെ എന്ന
ആഹ്വാനവും അതിലുണ്ട്.
അവരെ പ്രതിരോധിക്കാതെ
അവരെ അഭിനന്ദിക്കുക.
ഈ ഭൂമിയിൽ
ജീവിക്കുന്നതിനും
അവരുടെ മനസ്സിൽ
ശത്രുവായിട്ടായാലും മിത്രമായിട്ടായാലും
ജീപിക്കാനൊരിടം
തന്നതിന്.

ശ്രദ്ധയെ കുറ്റപ്പെടുത്തുക. ഖലീൽശംറാസ്

നിന്റെ ശ്രദ്ധയെ
കുറ്റപ്പെടുത്തുക.
നിന്നിൽ അസ്വസ്ഥമായ
മാനസികാവസ്ഥകൾ സൃഷ്ടിച്ചത്
നിന്റെ ശ്രദ്ധ ബോധത്തെ
അതിന് പാകമായ
വിഷയങ്ങളിലേക്ക്
തിരിച്ചുവിട്ടതുകൊണ്ടാണ്.
അല്ലാതെ ജീവനില്ലാത്ത
ബോധമില്ലാത്ത
സാഹചര്യങ്ങളെ കുറ്റപ്പെടുത്തരുത് .

ഹീറോ.my diary.khaleelshamras

കോടാനുകോടി ബീജങ്ങളെ
മറികടന്ന് നീ ഒരണ്ടത്തെ
സ്വന്തമാക്കിയപ്പോഴും
അമ്മയുടെ ഗർഭപാത്രത്തിൽ
നിന്നും ശക്തമായി ഭൂമിയിലേക്ക്
പിറന്നു വന്നപ്പോഴും
നീ കാണിച്ച
ആ ഹീറോയിസം
എപ്പോഴാണ് ചോർന്നു പോയത്
ജീവിതത്തിലെ നിസ്സാര
പ്രതിസന്ധികൾക്കു മുന്നിൽ
പതറി പോവുന്നത്
ആ ഹിറോ യാണോ.
ആ ഹീറോ നിന്നിൽ
ഇപ്പോഴുമുണ്ട്
നീ അനുഭവിക്കുന്ന
ജീവനാണ് ആ ഹീറോ.

Friday, August 11, 2017

ശത്രുത എന്ന ക്യാൻസർ.മൈ ഡയറി.ഖലീൽശംറാസ്

ശത്രുത നിന്റെ
മനസ്സിന്റെ ക്യാൻസറാണ്.
പുറത്തെ സാഹചര്യങ്ങളിൽ
നിന്നും ആ രോഗാവസ്ഥ
കാണിക്കാനുള്ള
ബിംബങ്ങൾ കണ്ടെത്തുന്നു.
ശത്രുത എന്ന ക്യാൻസറിനുള്ള
ഏറ്റവും ഫലപ്രദമായ മറുമരുന്നാണ്
സ്നേഹം.

ആദർശം ദുർവിനിയോഗം ചെയ്യപ്പെടുമ്പോൾ.മൈ ഡയറി.ഖലീൽശംറാസ്‌

ഇവിടെ നന്മ സ്ഥാപിക്കാനല്ല
പലർക്കും ആദർശം.
പലരുടേയും ഉള്ളിലെ
നൻമയുടെ പ്രതിഫലനവുമല്ല
അവരുടെ ആദർശം.
മറിച്ച് ഇവിടെ
ആദർശം ഒരു കച്ചവട വസ്തുവാണ്.
അധികാരത്തിനും
സമ്പത്തിനും
അഹങ്കരിക്കാനുമുള്ള
കച്ചവടവസ്തു.
ഈ ദുർവിനിയോഗത്തിന്റെ
അനന്തരഫലമാണ്
ആദർശത്തിന് വിരുദ്ധമായത്
അതിന്റെ പേരിൽ നിലനിൽക്കുന്നത്.

അവരുടെ ജീവനായി. My diary.khaleelshamras

അവർക്ക് നല്ലത് ചെയ്യുക.
അവരോട് നല്ലത് പറയുക.
അവർക്ക് പ്രചോദനമാവുക.
തീർച്ചയായും
അവരുടെ ജീവന്റെ
ഒരംശമായി
നീ മാറിയിരിക്കും.
പലപ്പോഴായി നല്ല
ഓർമ്മകളായി
അവരിൽ ആ ജീവൻ
പ്രത്യക്ഷപ്പെടുകയും ചെയ്യും.

അമ്മ മരിക്കുകയാണേ.khaleelshamras

ബൈക്കാക്സിഡന്റിൽ പെട്ട്
ആശുപത്രിയെലിത്തിക്കപ്പെട്ട
അമ്മ ഉറക്കെ നിലവിളിച്ചു.
പരിക്ക് ചെറുതാണെന്ന്
ഡോക്ടർ സാക്ഷ്യപ്പെടുത്തിയിട്ടും
അമ്മ ഉറക്കെ
നിലവിളിച്ചു പറഞ്ഞു.
ഞാൻ മരിച്ചു പോവുമോ.
അത് കേട്ട് കുട്ടിയും
നിലവിളിക്കാൻ തുടങ്ങി.
ഉറക്കെ കുട്ടിയും
വിളിച്ചു പറഞ്ഞു.
എന്റെ അമ്മ
മരിക്കുകയാണേ..

ബാലമനസ്സ്. My diary.khaleelshamras

കുട്ടികൾക്കൊരു സ്വഭാവമുണ്ട്.
അവർക്ക് സാമൂഹിക മര്യാദകൾ
ബാധകമല്ല.
അതിന്റെ പേരിൽ അവരെ
ആരും ഉപദ്രവിക്കാറില്ല.
വെറുക്കാറുമില്ല.
ഈ മര്യാദകൾ വലുതായിട്ടും
പഠിക്കാതെ പെരുമാറുന്ന
ഒരുപാട് വ്യക്തികൾ നമുക്കിടയിൽ ഉണ്ട്.
പ്രിയപ്പെട്ടവരേയും
സമൂഹങ്ങളേയും
വിമർശിച്ചു കൊണ്ടേ യിരിക്കുന്നവർ
അത്തരത്തിലുള്ളവരാണ്,
ഇനിയും എങ്ങിനെ
മര്യാദക്ക് പെരുമാറണമെന്നും
സംസാരിക്കണമെന്നും
പഠിക്കാത്തതിന്റെ പോരായ്മകളാണ്
അവരുടെ വാക്കുകളിലും
പ്രവർത്തികളിലും
നിഴലിക്കുന്നത്.
അവരെ ശത്രുവായി കാണരുത്.
ഇനിയും പക്വതയെത്താത്ത
അവരിലെ
ബാലമനസ്സ് മാത്രം കാണുക.

സ്വയംസംസാരം. മൈ ഡയറി.ഖലീലശംറാസ്

മറ്റുള്ളവരോട്
സംസാരിക്കുമ്പോൾ പോലും
ശരിക്കും സംഭവിക്കുന്നത്
ഒരു സ്വയം സംസാരമാണ്.
മറ്റുള്ളവരുടെ നിന്നിലെ
ബിംബത്തോടാണ്
അപ്പോഴൊക്കെ
നീ ആശയവിനിമയം നടത്തുന്നത്‌.

Thursday, August 10, 2017

പിറന്നുവീണ കുഞ്. My diary.khaleelshamras

പിറക്കപ്പെട്ടവരിലെല്ലാം
പിറന്നുവീണ ഒരു കുഞ്ഞുണ്ട്.
നിന്നെ വേദനിപ്പിച്ച പ്രതികരണങ്ങളുമായി
അവർ വരുമ്പോൾ
അവരിലെ
പിറന്നുവീണ കുഞിനെ കാണുക.
സാമൂഹിക മര്യാതകളോ
ഭാഷയോ ഇനിയും
പഠിച്ചിട്ടില്ലാത്ത
ആ കുഞ്ഞുങ്ങളെ നോക്കി
പക്വമായി
ഒന്ന് പുഞ്ചിരിക്കുക.

വിജയകരമായ ജീവിതം.my diary.khaleelshamras

ഈ നിമിഷത്തിൽ
നീ നിന്നിലേക്കും
പുറത്തേക്കും നോക്കുക.
അവിടെ സന്തോഷം കണ്ടെത്തുക.
അത് നിനക്കും മറ്റുള്ളവർക്കും
പകർന്നുകൊടുക്കുക.
അതിൽ സംതൃപ്തനാവുക.
അതാണ് വിജയകരമായ ജീവിതം.

നിന്റെ മറുപ്രതികരണം. My diary.khaleelshamras

മറ്റുള്ളവരുടെ വാക്കുകൾക്കും
പ്രവർത്തികൾക്കുമുള്ള
നിന്റെ മാനസികപ്രതികരണങ്ങളൊന്നും
നിന്റെ നല്ല മാനസികാവസ്ഥകൾക്ക്
കോട്ടം വരുത്തുന്ന തരത്തിലുള്ളതാവരുത്.
നിന്റെ മറു പ്രതികരണം
അവരേയും വേദനിപ്പിച്ചതാവരുത്.

ഒരൊറ്റ കാര്യം. ഖലീൽശംറാസ്. My diary

ലക്ഷ്യ സാക്ഷാത്കാരത്തിനും
ആത്മ സംതൃപ്തിക്കും
സമാധാനം അനുഭവിക്കാനും
മനുഷ്യന്
നിസ്സാരമായ ഒരൊറ്റ കാര്യം ചെയ്താൽ മതി.
അത് ഈ ഒരു നിമിഷത്തിലേക്ക്
ശ്രദ്ധയെ കേന്ദ്രീകരിക്കുക എന്നതാണ്.

നല്ല അയൽവാസി. My diary.khaleelshamras

മറ്റുള്ളവരിൽ നല്ല മാനസികാവസ്ഥകൾ
സൃഷ്ടിക്കാൻ
നിന്റെ വാക്കുകളേയും
പ്രവർത്തികളേയും
കാരണമാക്കുക.
അതുവഴി
അവരുടെ മനസ്സിന്റെ സാമ്പ്രാജ്യത്തിൽ
ജീവനുള്ള ഒരു
അയൽവാസിയായി
നീ മാറും.
സൗന്ദര്യത്തിന്റെ എല്ലാ
പൂക്കളും വിരിഞ്ഞുനിൽക്കുന്ന
ഒരു പൂന്തോപ്പിലായിരിക്കും
നിനക്ക് അവർ ഒരുക്കി തരുന്ന വീട്.

ഈ നിമിഷത്തിലും അവ നിന്നിലുണ്ട്.my diary.khaleelshamras

നിനക്കോർത്തെടുക്കാൻ പറ്റുന്ന
ഓരോ വ്യക്തികളും
അനുഭവങ്ങളും എല്ലാം
നിന്റെ അന്തരികലോകത്ത്
ഈ ഒരു നിമിഷത്തിൽ ജീവിക്കുന്നവ
തന്നെയാണ്.
അവയുടെ ശബ്ദവും
ചിത്രവും മണവും
മറ്റു അനുഭൂതികളുമെല്ലാം
ഈ ഒരു നിമിഷത്തിലും
അനുഭവിക്കാവുന്നതാണ്.

ശാരീരികാനുഭൂതികൾ. My diary.khaleelshamras

നിന്റെ ചിന്തകളിൽ നിന്നും ഭാവനകൾ പിറക്കുന്നു.
ഭാവനകളിൽ നിന്നും
വികാരങ്ങൾ പിറക്കുന്നു.
വികാരങ്ങളിൽ നിന്നും
ശാരീരികാനുഭൂതികൾ
പിറക്കുന്നു.
ഇവിടെ സാഹചര്യങ്ങൾ
ചിന്തകൾക്ക് ഒരു പ്രചോദനം
മാത്രമാണ്.
ഏതൊരു പ്രചോദനത്തിൽ
നിന്നും നല്ലൊരു ചിന്തയെ
സൃഷ്ടിക്കുന്നത് നിന്റെ ബോധമാണ്.

നിന്റെ ഇന്നലെകളുമായി ഒരു സംഭാഷണം.മൈ ഡയറി.ഖലീൽശംറാസ്

നിന്റെ ഇന്നലെകൾ
നിന്റെ ബാല്യവും കൗമാരവും
യൗവനവും ഒക്കെയായി
നിന്നിൽ തന്നെയുണ്ട്.
നിന്നിലെ പല ശീലങ്ങളുടേയും
ഉൽഭവം അവരുമായി
ഒരു ചെറിയ സംഭാഷണത്തിലേർപ്പെട്ടാൽ
കണ്ടെത്താൻ കഴിയും.
അതിലൂടെ തിരുത്താനും

നല്ല ഉദ്ദേശ്യം. മൈ ഡയറി.ഖലീൽശംറാസ്

നല്ലൊരു ഉദ്ദേശ്യം സൃഷ്ടിക്കുക.
നിന്റെ ചിന്തകളും
പ്രവർത്തികളും
അതിലേക്ക് കേന്ദ്രീകരിക്കുക.
അവിടെ നിന്റെ ജീവിതവിജയവും
സന്തോഷവും തെളിഞ്ഞു വരുന്നത് കാണാം.

വ്യാഖ്യാനങ്ങൾ. ഖലീൽശംറാസ്

ഒരിക്കലും ഒരാളും
നിനക്കു മുമ്പിലെ സാഹചര്യത്തെ
നീ വ്യാഖ്യാനിച്ച
അതേ രീതിയിൽ
വ്യാഖ്യാനിക്കില്ല.
ഓരോ മനുഷ്യനും
എത്രമാത്രം വ്യത്യസ്ഥരാണോ
അതേ  പോലെ
വ്യത്യസ്ഥമാണ്
വ്യാഖ്യാനങ്ങളും.

വിശ്വാസമെന്ന ഊർജ്ജം. My diary.khaleeLshamras

വിശ്വാസം മനസ്സിന്റെ
ഊർജ്ജമാണ് .
അല്ലാതെ വാക്കുകളിലെ
പ്രകമ്പനങ്ങളല്ല.
വിശ്വാസത്തെ
സ്വഭാവത്തിലും പ്രവർത്തികളിലും
ദർശിക്കുക.
അല്ലാതെ അവരുടെ
നാവുകളിലൂടെ പറയുന്ന
വാക്കുകളിലല്ല.

നിന്റെ ജീവൻ തന്നെ അവരിലും. My diary.khaleelshamras

നീ എല്ലാത്തിലും
കാണുന്നതും അനുഭവിക്കുന്നതും
നിന്റെ ജീവനെയാണ്
അല്ലാതെ അവരുടെ ജീവനെയല്ല.
കാരണം നിന്റെ
ജീവന്റെ ഉള്ളിലാണ്
അവയുടെ ചിത്രം
ചിത്രീകരിക്കപ്പെടുന്നത്.
ശബ്ദം കേൾക്കപ്പെടുന്നത്.
അവയെ അനുഭവിക്കുന്നത്.

Wednesday, August 9, 2017

സ്വാർത്ഥതാൽപര്യക്കൾക്കായി.മൈ ഡയറി.ഖലീൽശംറാസ്

ഇവിടെ അധികാരത്തോടുള്ള
സ്നേഹമാണ്
പലപ്പോഴും നാടിനോടുള്ള
സ്നേഹമായി
ദുർവ്യാഖ്യാനം ചെയ്യപ്പെടുന്നത്.
ഇവിടെ ആദർശ സ്നേഹം
എന്നതൊന്ന് മനുഷ്യർക്കിടയിലില്ല.
കുടുംബം തൊട്ട് രാഷ്ട്രം വരെയുള്ള
സാമൂഹിക കൂട്ടായ്മകളെ
ഒരോരോ സ്വാർത്ഥ താൽപര്യങ്ങൾക്കായി
ദുർവിനിയോഗം ചെയ്യുന്ന
അവസ്ഥകൾ മാത്രമാണ്
നിലനിൽക്കുന്നത്.

സോഷ്യൽ മീഡിയ സൃഷ്ടിക്കുന്ന ചിന്ത. ഖലീൽശംറാസ്

സോഷ്യൽ മീഡിയകളും
വാർത്താ മാധ്യമങ്ങളും
നിന്നിൽ സൃഷ്ടിക്കുന്ന
ചിന്തകളെ നിരീക്ഷിക്കുക.
ആ ചിന്തകൾ നിന്നിൽ
ഒരു പാട് ചീത്ത മാനസികാവസ്ഥകൾ
സൃഷ്ടിക്കാൻ കാരണമാവും.

ചോദ്യങ്ങൾ. മൈ ഡയറി.ഖലീൽശംറാസ്

എല്ലാ അനുഭവങ്ങളും
പോസിറ്റീവായതെന്തെങ്കിലും
കണ്ടെത്താൻ വേണ്ടി മാത്രമാണ്.
നെഗറ്റീവായ അനുഭവത്തിൽ പോലും
ഒളിഞ്ഞിരിക്കുന്നത്
അതിന്റെ പോസിറ്റീവ് ഭാഗം
കണ്ടെത്തി പൂരിപ്പിക്കാനുള്ള ചോദ്യമാണ്.

മാനസിക കളി. മൈ ഡയറി. ഖലീൽശംറാസ്

ജീവിതം ഒരു മാനസിക കളിയാണ്.
എങ്ങിനെ വേണമെങ്കിലും
വ്യാഖ്യാനിക്കാനും
കളിക്കാനും കഴിയുന്ന കളി.

കോടാനുകോടി സന്ദേശങ്ങൾ. മൈ ഡയറി.ഖലീൽശംറാസ്‌

കോടാനുകോടി
സന്ദേശങ്ങളാണ് നിന്റെ
മനസ്സിനു മുമ്പിൽ
അതിനുള്ളിലെ സ്വയം ചർച്ചയുടെ
വിഷയമാവാൻ കാത്തിരിക്കുന്നത്
അതിൽ നിന്നും
ഒന്നുമാത്രം സജീവമായി
നിലനിൽക്കുന്നു.
പക്ഷെഅതിനെ ബോധപൂർവം
തിരഞ്ഞെടുക്കാൻ നിനക്കു കഴിഞ്ഞാൽ
അവിടെ വിജയം പിറക്കും
കൂടെ അതിയായ സംതൃപ്തിയും.

Tuesday, August 8, 2017

അവരുടെ വാക്കുകൾ. മൈ ഡയറി.ഖലീൽശംറാസ്

അവരുടെ വാക്കുകൾ
നിന്നിലെ
നല്ല മാനസികാവസ്ഥകളെ
ചീത്തതാക്കി മാറ്റാനല്ല.
അവരുടെ വാക്കുകളുടെ
അവകാശി നീയല്ല.
മറിച്ച് അവരും
അവരുടെ ചിന്തകളും
മാനസികഘടനയുമാണ്.

പ്രധാനം നിന്നിലെന്താണ് എന്നതാണ്. My diary.ഖലീൽശംറാസ്

നല്ലൊരു നാട്ടിൽ പിറന്നുവെന്നതോ,
നല്ലൊരു കുടുംബത്തിലെ അംഗമായി എന്നതോ
സമാധാനത്തിന്റെ വിശ്വാസിയായോ എന്നതോ
ഏറ്റവും കരുത്തുറ്റ ഈ പുതുപുത്തൻ
നിമിഷത്തിൽ ജീവിക്കുന്നുവെന്നതോ
ഒന്നുമല്ല പ്രധാനം.
ആ നൻമയും സ്മാധാനവും
സമയവിനിയോഗവുമെല്ലാം
എത്രമാത്രം നിന്നിൽ
പ്രതിഫലിക്കുന്നുവെന്നതാണ്
പ്രധാനം.

പീഡനം. My diary.khaleelshamras

മാനസികാസ്വസ്ഥത
പീഡിപ്പിച്ചവർക്ക് അവകാശപ്പെട്ടതാണ്.
അല്ലാതെ പീഡിപ്പിക്കപ്പെട്ടവർക്കല്ല.
പീഡിപ്പിച്ചവന്റെ വൈകാരിക മാലിന്യമാണ്
പീഡനം.
അത് പീഡിപ്പിക്കപ്പെട്ടവന്റെ വളമാണ്.
കൂടുതൽ നല്ലവരായി മാറാനുള്ള
ഊർജ്ജമാണ് അത്.

തർക്കങ്ങളിൽ ഭാഗവത്താവുക. My diary.khaleelshamras

സാമൂഹിക തർക്കങ്ങളിൽ
ഭാഗവത്താവണം.
അതിൽ നിന്നും പഠിക്കണം.
രസിക്കണം.
പക്ഷെ ഒരു കാരണവശാലും
അവയെ നിന്റെ
നല്ല മാനസികാവസ്ഥ തകർക്കാൻ
കാരണമാക്കരുത്.

നൻമയുടെ അഭാവം.my diary.khaleelshamras

നൻമയുടേയും
സ്നേഹത്തിന്റേയും
അഭാവമോ കുറച്ചിലോ
ആണ് മനുഷ്യരെ
ഭീകരവാദിയും
വർഗ്ഗീയവാദിയുമൊക്കെയാക്കുന്നത്.
ഉള്ളിലെ തെറ്റായ
മാനസികഘടനകൾക്ക്
സമുഹത്തിലെ നല്ല
ദർശനങ്ങളെ
ഉപയോഗപ്പെടുത്തുകയുമാണ് അവർ.

യഥാർത്ഥ കഥയറിയാതെ.my diary.khaleelshamras

യഥാർത്ഥ കഥയറിയാതെ,
അറിയാനുള്ള താൽപര്യം പോലും കാണിക്കാത്ത,
അറിഞ്ഞാൽ പോലും
അതിന്റെ വിപരീതം
മാത്രം പറയുന്ന
പല വ്യക്തികളുടേയും
തെറ്റായ പ്രസ്ഥാവനകളെ
ഉള്ളിലേക്കാവാഹിച്ച്
സ്വന്തം മനസ്സമാധാനം
നഷ്ടപ്പെടുത്തുകയാണ് പലരും.
മറ്റുള്ളവരെ വേദനിപ്പിക്കുകയും
കുറ്റപ്പെടുത്തുകയും ചെയ്യുന്ന
പല പ്രസ്ഥാവനകളും
ഇത്തരത്തിൽ രൂപപ്പെട്ടതാണ്
എന്ന സത്യം മറക്കാതിരിക്കുക.

ജീവിതാനുഭവങ്ങൾ.my diary.khaleelshamras

ഓരോ  ജീവിതാനുഭവവും
നല്ല മാനസികാവസ്ഥകളായി
പരിവർത്തനം ചെയ്യാനുള്ളതാണ്.
ഏറ്റവും മോശം
അനുഭവത്തെ പോലും
ഈ ഒരു പരിവർത്തനത്തിന്
വിധേയമാക്കുന്നതിലാണ്
നിന്റെ വിജയം.

Monday, August 7, 2017

ചിന്തകളെ ചലിപ്പിക്കാനുള്ള കഴിവ്. ഖലീൽശംറാസ്.മൈ ഡയറി

ഓട്ടോമാറ്റിക്കായി നിന്നിലൂടെ
ചലിച്ചു കൊണ്ടിരിക്കുന്ന
ചിന്തകളെ
തികഞ്ഞ പദ്ധതികളിലൂടെ
വ്യക്തമായ വഴികളിലൂടെ
സഞ്ചരിപ്പിക്കുന്നതിലാണ്
നിന്റെ കഴിവ്.
അതിലാണ് ജീവിതവിജയവും.

ശരീരവും മനസ്സും. മൈ ഡയറി.ഖലീലശംറാസ്

ശരീരത്തിനുള്ളിലെ മനസ്സല്ല
മറിച്ച് ഒരു അനന്തവിശാലമായ
മനസ്സ് ഈ ഭൂമിയിൽ
ജീവനോടെ നിലനിൽക്കുന്നുവെന്നതിനുള്ള
തെളിവാണ്
നിന്റെ ശരീരം.

ബോധവാൻമാരല്ലാത്ത മനുഷ്യൻ . മൈ ഡയറി.ഖലീലശംറാസ്

ആരും മറ്റൊരാളുടെ
ലോകത്തെ കുറിച്ച്
ബോധവാൻമാരല്ല.
ആരും മറ്റൊരാളെ കുറിച്ച്
ചിന്തിക്കുന്നുമില്ല.
എല്ലാവരും സ്വന്തത്തെ
കുറിച്ച് ചിന്തിക്കുന്നവർ
മാത്രമാണ്.
പലരും സ്വന്തത്തെക്കുറിച്ച് പോലും
ബോധമില്ലാത്തവരുമാണ്.

പോരായ്മകൾ. മൈ ഡയറി.ഖലീലശംറാസ്

നിന്നിലെ പോരായ്മകളും
നിന്റെ ജീവിതത്തിനു മുന്നിൽ
തടസ്സങ്ങളായി നിൽക്കുന്ന
തെറ്റായ വിശ്വാസങ്ങളും
കണ്ടെത്തുക.
അവക്ക് സ്വയം
പരിഹാരം കണ്ടെത്തുകയും
ചെയ്യുക.

വിമർശനങ്ങളിൽ. മൈ ഡയറി.ഖലീൽശംറാസ്

വിമർശനങ്ങൾ
ഒരുപാട് വിഷമമുണ്ടാക്കും
പക്ഷെ ആ വിഷമത്തിനുള്ളിൽ
നിന്റെ ജീവിത വിജയത്തിനുവേണ്ട
വജ്രമുത്തുകൾ ഉണ്ട്.
അവ ശേഖരിക്കുക.

പരാതി. മൈ ഡയറി.ഖലീലശംറാസ്

ഏറ്റവും ആത്മാർത്ഥ സ്നേഹമുള്ളവർക്കിടയിൽ
ഒന്നിനും പരാതിയുണ്ടാവില്ല.
അവരെത്ര അകലങ്ങളിലാണെങ്കിലും
സ്വന്തം മനസ്സിനുള്ളിൽ
അവർ ഓരോ നിമിഷവും
ജീവനോടെ അടുത്തുണ്ടാവും.

സ്വന്തം മനസ്സിലുള്ളതിന്റെ പ്രചാരകർ. മൈ ഡയറി.ഖലീലശംറാസ്

ശരിയായാലും തെറ്റായാലും
സ്വന്തം മനസ്സിലുള്ളതിന്റെ
പ്രചാരകർ മാത്രമാണ്
ഓരോ മനുഷ്യരും.
അല്ലാതെ നിന്റെ
മനസ്സിലുള്ളതിന്റെ
പ്രചാരകരല്ല.
അതുകൊണ്ട് അവരുടെ
മനസ്സിലുള്ളതിനെ
നിന്റെ മനസ്സിന്റെ ചുമരിൽ പതിപ്പിക്കാനുള്ള
ഒരു പ്രവണത
അവരിലുണ്ടാവും.

സംതൃപ്തിയെ വേദനയാക്കാൻ. My diary.khaleelshamras

നിന്റെ സംതൃപ്തികളെ
മറ്റുള്ളവരെ വേദനിപ്പിക്കാൻ
കാരണമാക്കരുത്.
അവ മറ്റുള്ളവരെ
വേദനിപ്പിക്കാൻ കാരണമാക്കുമ്പോൾ
അവർക്കതിൽ നിന്നും
വേദന ലഭിക്കുമെന്ന്
മാത്രമല്ല
നിന്റെ സംതൃപ്തിയുടെ അളവ്
കുറഞ്ഞ് കുറഞ്
ഇല്ലാതാവുകയോ
സംതൃപ്തി വേദനയായി
പരിവർത്തനം ചെയ്യുകയോ  ചെയ്യും.

മനസ്സിലാക്കൽ. My diary.khaleelshamras

നാം അവരെ മനസ്സിലാക്കുന്നത്
അവരുടെ സത്യാവസ്ഥ മനസ്സിലാക്കിയോ
അവരുടെ മനസ്സ് വായിച്ചോ അല്ല.
മറിച്ച് സ്വന്തം മനസ്സിലുള്ളതിനനുസരിച്ചാണ്.
അവ ശരിയാണോ തെറ്റാണോ
എന്ന് മനസ്സിലാക്കിയിട്ടല്ല
ഈ മനസ്സിലാക്കൽ
എന്നതാണ് സത്യം.

നല്ല വിരുന്ന്.my diary.khaleelshamras

നിന്റെ ജീവിതത്തിലെ
നല്ല അനുഭവങ്ങൾ മറ്റുള്ളവരുമായി
പങ്കുവെക്കുക.
അതിലൂടെ ശരിക്കും
നല്ലൊരു വിരുന്നായിരിക്കും
നീ മറ്റുള്ളവർക്കായി
ഒരുക്കുന്നത്.
നല്ല മാനസികാവസ്ഥകളുടെ വിരുന്ന്.
ചീത്ത അനുഭവങ്ങൾ
പങ്കുവെക്കാതിരിക്കുക.
കാരണം അവ
അവരിൽ
ചീത്ത മാനസികാവസ്ഥകൾ സൃഷ്ടിക്കും.

സ്വയം സംസാരമെന്ന മീഡിയ.my diary.khaleelshamras

ലോകത്തെ ഏറ്റവും
ശക്തമായ മീഡിയ
ഓരോ മനുഷ്യന്റേയും ഉള്ളിലെ
സ്വയം സംസാരങ്ങളാണ്.
സ്വന്തം ചിന്തകളാൽ
പ്രക്ഷേപണം ചെയ്യപ്പെടുന്ന
ആ വാർത്തകളും
അറിവുകളും
പിന്നെ കഥകളും
കവിതകളും
ഒക്കെയെങ്ങിനെ എന്ന് വിലയിരുത്തുക.
അവ നിന്നിൽ സൃഷ്ടിക്കുന്ന
മാനസികാവസ്ഥകൾ നിരീക്ഷിക്കുക.

മറ്റുള്ളവരെ അറിഞ്ഞില്ല. മൈ ഡയറി.ഖലീലശംറാസ്

മറ്റുള്ളവർക്കുള്ളിലെ
മാനസികാവസ്ഥകളോ
ചിന്തകളോ അറിഞല്ല,
മറിച്ച് സ്വന്തം
മനസ്സിനുള്ളിലെ
മാനസികാവസ്ഥകൾക്കും
ചിന്തകൾക്കും
അനുസരിച്ച് മാത്രമാണ്
പലരും
സാഹചര്യങ്ങളെ കുറിച്ച്
പ്രതികരിക്കുന്നത്.

മനുഷ്യനെന്ന മഹാത്ഭുതം.. മൈ ഡയറി.ഖലീലശംറാസ്

ഒരു മഹാത്ഭുതമാണ്
ഓരോ മനുഷ്യനും.
അവന്റെ പദവിയോ സമ്പത്തോ അല്ല.
മറിച്ച് അവന്റെ
ശരീരത്തിന്റേയും
മനസ്സിന്റേയും ഘടനയും
ചിന്താശേഷിയുമാണ്
അവനെ അത്ഭുതവാനാക്കുന്നത്.