Sunday, October 16, 2016

ഈ നിമിഷത്തിൽ ശ്രദ്ധിക്കുക.khaleelshamras

കടിച്ചു തിന്നാൻ
പിറകെ പുലിയോടിയാൽ,
ഒന്നു കുത്തി രസിക്കാനായി
പിറകെ പാമ്പ് ഇഴഞ്ഞുവന്നാൽ.
നിന്റെ ജീവനെ രക്ഷിക്കാൻ
വേണ്ടി നീ
നടത്തുന്ന ഒരു പരിശ്രമമില്ലേ
എല്ലാമെല്ലാം മാറ്റിവെച്ച്
നിന്റെ ശ്രദ്ധയെ
ആ ഒരു നിമിഷത്തിൽമാത്രം
കേന്ദ്രീകരിച്ച്
നീ നടത്തുന്ന ഒരു പരിശ്രമം
ആ ഒരു കേന്ദ്രീകരണം
നീട്ടിവെയ്പ്പുകളൊന്നുമില്ലാതെ
കൈവരിച്ചവരാണ്
ജീവിതത്തിൽ
പ്രതിസന്ധികളെ തരണം ചെയ്ത്
വിജയം കൈവരിച്ചവരൊക്കെ
ചെയ്തത്.
അതാണ് നീ ചെയ്യേണ്ടത്.
നിന്റെ ഭൂതകാലവും ഭാവികാലവുമൊക്കെ
അവിടെ നിൽക്കട്ടെ.
ഇപ്പോൾ ഈ നിമിഷം
നീയെന്താണോ ചെയുന്നത്
അതിലേക്ക് ശ്രദ്ധിക്കുക.
എല്ലാ തടസ്സങ്ങളേയും
മറ്റൊരു മൂലയിലേക്ക്
മാറ്റിവെച്ച് ഈ നിമിഷത്തിൽ
ശ്രദ്ധിക്കുക.
അവിടെ സ്നേഹിക്കാനുള്ള അവസരമാണ്
ഉള്ളെതെങ്കിൽ സ്നേഹിക്കുക.
അറിവാണ് ഉള്ളതെങ്കിൽ
അറിവ് സ്വന്തമാക്കുക.