Monday, October 31, 2016

കേരളനാട്.ഖലീൽശംറാസ്

ഈ ഭൂമിയിൽ ഞാൻ
കണ്ടും കേട്ടും അനുഭവിച്ചും
അറിഞ്ഞ.
ഏറ്റവും നല്ല മാതാപിതാക്കളുടെ
സന്തതിയായി
ഇതേ ഭുമായിലെ
ഏറ്റവും സുന്ദരമായ
ഒരിടത്തിൽ പിറന്നതിൽ ഞാൻ
അഭിമാനിക്കുന്നു.
മരണം വരെ 
എന്റെ ജീവിതമാവുന്ന
നാടകത്തിന്റെ അരണ്ടായി.
സൗഹാർദത്തിന്റേയും,
പച്ചപ്പിന്റേയും,
കലയുടേയും,
അറിവിന്റേയും
ഈ നാടിനെ
നിശ്ചയിക്കപ്പെട്ടതിൽ
ഞാൻ സന്തോഷിക്കുന്നു.
എന്റെ ജീവിതത്തേയും
എന്റെ ചിന്തകളേയും
രൂപപ്പെടുത്തുന്നതിൽ
എന്റെ ഈ  സുന്ദരനാടിന്റെ
റോൾ വലുതാണ്.
മറ്റൊരിടത്ത് മറ്റേതോ
രക്ഷിതാക്കളുടെ
സന്തതിയായിട്ടായിരുന്നു
ഞാൻ പിറന്നിരുന്നതെങ്കിൽ
ഞാൻ മറ്റാരോ ആയേനെ.
എന്റെ ജീവിത മൂല്യങ്ങൾ
കണ്ടെത്താൻ
ഒരുപക്ഷെ കഴിയാതെ പോയേനെ.
ഞാൻ ഞാനായി പിറന്നതിലും,
എന്റെ രക്ഷിതാക്കളുടെ
സന്തതിയായതിലും,
ഇതേ നാട്ടിലെ കുറേ പേരുടെ
സഹോദരനായതിലും.
ഈ നാട്ടിലെ ഒരു പെണ്ണിന്റെ
ഭർത്താവായതിലും,
ഇതേ നാട്ടുകാരായ
മുന്ന് കുട്ടികളുടെ പിതാവാകാൻ
കഴിഞ്ഞതിലും ഞാൻ അഭിമാനിക്കുന്നു.
ഈ നാട്ടിലെ പച്ചപ്പുകളേയും
അവയെ തലോടിവന്ന മന്ദമാരുതനേയും
ഈ നാടിന്റെ മനോഹരമായ പാട്ടുകൾ
എഴുതപ്പെട്ട ഭാഷയേയും
ഞാൻ പ്രണയിക്കുന്നു.
എന്റെ മനസ്സിന്റെ ശമ്പദമാണ്
എന്റെ ഭാഷ.
എന്റെ ഭാഷ എന്റെ നാടാണ്.
സ്നേഹത്തിന്റേയും
സമാധാനത്തിന്റേയും
അറിവിന്റേയും നാട്.
അതാണെന്റെ കേരളനാട്.