Monday, August 15, 2016

നിന്റെ ശത്രു.my diary. khaleelshamras

നിന്നെ കൂടെ നിന്ന് വഞ്ചിക്കുന്ന
ഒരു ശത്രു നിനക്കുണ്ട്.
ആ ശത്രുവിനെ കാണണമെങ്കിൽ
നീ നിന്റെ ഉള്ളിലേക്ക് നോക്കുക.
പല നല്ല കാര്യങ്ങളും
ചെയ്യാൻ തുടങ്ങുമ്പോൾ
നീട്ടിവെയ്ക്കാൻ പ്രേരിപ്പിച്ച,
വിജയത്തിനുവേണ്ട പല
ആശയങ്ങളേയും
പിറവിയിലേ മായ്ച്ചുകളഞ്ഞ,
ലക്ഷ്യബോധത്തിൽ നിന്നും
നിന്നെ തെറ്റിച്ചുകളഞ്ഞ.
വാർത്താമാധ്യമങ്ങളെ
അറിയാനുള്ള ഉപാധിയാക്കുന്നതിനുപകരം
മനസ്സിനു മുറിവേൽപ്പിച്ച മാരകായുധമാക്കിയ
ആ ശത്രു നിനക്കുള്ളിലാണ്.
ആ ശത്രുവിനോട് പൊരുതാൻ നിൽക്കാതെ
ആ ശത്രുവിനെ പരിഗണിക്കാനും നിൽക്കാതെ
നീ മുന്നേറുക.
നിന്നിൽ തന്നെയുള്ള
വിജയത്തിന്റെ കൂട്ടുകാരെ കൂടെ കൂട്ടി.