Tuesday, August 30, 2016

എല്ലാവരും ശരിയാണ്.my diary. khaleelshamras

ലോകത്ത് എല്ലാവരും
ശരിയാണ്.
ഞാൻ ശരിയല്ല
എന്ന് വിശ്വസിക്കുന്നവർ
പോലും നിനക്ക് ശരിയാണ്.
പോരായ്മകൾ ഉള്ളവരായി
നിനക്ക് ആരുമില്ല.
എനിക്കെന്തിന്റെയൊക്കെയോ
പോരായ്മകൾ ഉണ്ട്
എന്ന് പറയുന്നവരെ പോലും
നീ പോരാത്തവരായി കാണരുത്.

ചെറുതിലെ വലിയ അൽഭുതങ്ങൾ.my diary. khaleelshamras

ചെറുതെന്നു കരുതുന്നവയിൽ
പോലും വലിയ വലിയ
സംവിധാനങ്ങൾ ഉണ്ട്..
വലിയ ഊർജവും
അൽഭുതങ്ങളും
നിറഞ്ഞ
വലിയ സംഭവമാണ്
ഏറ്റവും ചെറുതെന്നു പറഞ്ഞ
ഒരാറ്റത്തിൽ പോലും
അരങ്ങേറുന്നത്.
അപ്പോൾ നിനക്ക്
ലഭിച്ച അതി സൂക്ഷ്മമായ
സമയ കണികയിൽ
പോലും വലിയ അൽഭുതങ്ങൾ
ഉണ്ടാക്കാൻ നിനക്ക് കഴിയും.

ശരികൾക്കിടയിലൂടെ യാത്ര.my diary. khaleelshamras

ഞാൻ വിശ്വസിക്കുന്നത്
ശരിയാണ് എന്ന്
വിശ്വസിക്കുന്നവരും
അതിന് നിരത്താൻ
ന്യായീകരണങ്ങൾ
ഉള്ളവർ തന്നെയാണ് എല്ലാവരും.
ഇതിനൊക്കെ ഇടയിൽ
നിനക്ക് ചെയ്യാനുള്ളത്
ശരിയായ അറിവ് കണ്ടെത്താനുള്ള
സാഹസികയാത്രയാണ്.
സ്വതന്ത്രമായ അറിന്യേഷിച്ചുള്ള
യാത്രയിൽ
നിനക്ക് ലഭിക്കുന്ന
സമ്മാനങ്ങളാണ്
സമാധാനവും ആത്മസംതൃപ്തിയും.

പേടിയും സന്തോഷവും.my diary. Khaleelshamras

തീയും വെള്ളവും
ഒരുമിച്ച് കെട്ടിപ്പിടിച്ച് നിൽക്കില്ല.
അതു പോലെയാണ്
പേടിയും സന്തോഷവും.
അതുകൊണ്ട് നിനക്ക്
സന്തോഷം വേണമെങ്കിൽ
ആരോടും പേടി പാടില്ല.
ഇനി നിനക്ക്
സന്തോഷം വേണ്ടെങ്കിൽ
എന്തിന്റെയെങ്കിലും പേരിൽ
പേടിക്കാനായി എന്തെങ്കിലും
ഒന്ന് കണ്ടെത്തുക.

പേടിയുടെ ചിത്രം.my diary. khaleelshamras

പുറത്തൊന്നും
നിന്നെ പേടിപ്പിക്കുന്നതൊന്നും തന്നെയില്ല.
പേടിപ്പിക്കുന്ന വസ്തു
നിന്റെ ഉള്ളിലാണ്.
നിന്റെ ഉള്ളിൽ
നീ പുറത്തെ സാഹചര്യങ്ങളെ
നോക്കി സ്വയം
വരച്ചുവെച്ച തെറ്റായ
ചിത്രം നോക്കിയാണ്
നീ പേടിക്കുന്നത്.

മനുഷ്യകൂട്ടത്തെകണ്ട് പേടി.my diary. khaleelshamras

നിനക്ക് ഒരു മനുഷ്യകൂട്ടത്തെ
കണ്ടിട്ട് പേടി തോണുന്നുവെങ്കിൽ.
ആ കൂട്ടത്തിലേക്ക് നോക്കുക.
അവരിൽ ഒരാളായി
സ്വന്തം കുട്ടത്തെ
വിലയിരുത്തുക.
അവിടെ പേടി കാണുന്നില്ലെങ്കിൽ
നിന്റെ പേടി അവരുണ്ടാക്കിയതല്ല
മറിച്ച് നീ സ്വയം
ഉണ്ടാക്കിയതാണ്
എന്ന് കാണാം.
എന്നിട്ട് പേടിയെ
നിന്റെ വഴിയിൽ നിന്നും
സുഖമായി കടന്നുപോവാൻ
അനുവദിക്കുക.

വാങ്ങുന്ന വസ്തു.my diary. khaleelshamras

എന്തൊന്നു ചെയ്യുമ്പോഴും
വാങ്ങുമ്പോഴും
അതിനെത്രമാത്രം
ഉപയോഗമുണ്ട് എന്ന്
ശരിയായി വിലയിരുത്തണം.
അല്ലെങ്കിൽ
വാങ്ങുന്ന വസ്തുവിനെ
ന്നതിലും വിലപിടിച്ച എന്തെങ്കിലും
ഒന്നിനായി വിനിയോഗിക്കാൻ
പറ്റണം.

Monday, August 29, 2016

ജലതുള്ളി.my diary. khaleelshamras

, ഓരോ പ്രാവശ്യം
നീ കുളിച്ചപ്പോഴും
ശരീരത്തിലേക്ക്
വെള്ളം ചീറ്റിയപ്പോഴും
ജലതുള്ളികൾ
നിന്നെ ആലിംഗനം ചെയ്തിരുന്നു.
ഒരു പിറന്നുവീണ കുഞ്ഞിനെപോലെ
നിന്നെ വാരി പുണർന്ന്
നിന്നെ പ്രിയ ചുമ്പനങ്ങൾകൊണ്ട്
മൂടിയിരുന്നു.
നിനക്കുവേണ്ട ഒരു പാട്
നൻമയുടെ ഊർജ്ജം
അവയിൽ ഉണ്ടായിരുന്നു.
പക്ഷെ മനസ്സിലെ
നെഗറ്റീവ് ചിന്തകൾ
ആയ മാലിന്യങ്ങളിലേക്ക്
ശ്രദ്ധയെ കേന്ദ്രീകരിച്ച്
നീ അവയെ
ഒന്നു പരിഗണിക്കാൻപോലും
മറന്നുപോവുകയായിരുന്നു..

വിജയകരമായ പരിണിതഫലം.my diary. khaleelshamras

വിജയകരമായ പരിണിത ഫലത്തിൽ നിന്നും
ഒരു നിമിഷം പോലും
നിന്റെ കണ്ണ് തെറ്റരുത്.
വിജയത്തിലേക്കുള്ള
യാത്രയിൽ
പരാജയങ്ങൾ വന്നണയുമ്പോഴും
പ്രതിസന്ധികൾ നിന്നെ
തുർത്തുമ്പോഴും
വിമർശനങ്ങളുടെ പെരുമഴ
പെയ്തിറങ്ങുമ്പോഴും
നിന്റെ നോട്ടം
വിജയകരമായ പരിണിതഫലത്തിൽ
മാത്രമാവണം.

ശവം പേറി നടക്കുന്നവർ.my diary. khaleelshamras

വൈകാരികത
മനസ്സിന്റെ നൈമിഷികമായ
പ്രതികരണങ്ങൾ മാത്രമാണ്.
അവക്ക് നൈമിഷികമായ
ആയുസ്സേ ഉള്ളു.
അവയെ പിറന്ന്
മരണപ്പെട്ട നിമിഷത്തിൽ
തന്നെ സംസ്കരിക്കുക.
ഇത് കോപം, അസൂയ, പേടി
തുടങ്ങിയ നെഗറ്റിവ്
വികാരങ്ങളുടെ കാര്യത്തിലാണ്.
അല്ലാതെ അവ മരിച്ചയിടത്തുനിന്നും
ശേഖരിച്ച്
കൂടെ കൊണ്ടു
നടക്കരുത്.
അവ ചീഞ്ഞുനാറുന്ന
പോലെ നിന്റെ ജീവിതവും
ചീഞ്ഞുനാറും.

പ്രതികരണം.my diary. khaleelshamras

മറ്റുള്ളവരുടെ
പ്രതികരണങ്ങൾക്ക് കാതോർക്കുക.
പ്രത്യേകിച്ച് നെഗറ്റീവ്
പ്രതികരണങ്ങൾക്ക്.
ഒരാളുടെ പ്രതികരണവും
നിന്റെ ലക്ഷ്യത്തിലേക്കുള്ള
വഴിയിൽ നിന്നും
പിന്തിരിയിപ്പിക്കാനുള്ളതല്ല
എന്ന് മനസ്സിലാക്കുക.
അവ ആ യാത്രയിൽ
നിനക്ക് ശക്തി പകരാനുള്ള
ഊർജ്ജം മാത്രമാണ്.

പേടി.my diary. khaleelshamras

പേടിയെന്നാൽ
നിന്റെ മനസ്സിന് ലഭിച്ച ഒരു കളിപ്പാട്ടമാണ്.
അതുകൊണ്ട്
എന്തു ഗെയിമും നിനക്ക്
കളിക്കാം.
പേടി വിരൂപമായ
ഒരു അവരണത്തിൽ
പാതിഞ്ഞ ഈർജ്ജമാണ്
നിനക്ക് വരാനുള്ള ഊർജ്ജമാണ്.
പേടിയെ നിനക്കാവശ്യമായ
ഏതൊരു രൂപത്തിലേക്കു
വേണമെങ്കിലും പരിവർത്തനം ചെയ്യാം.
ഹാസ്യമായും പാഠമായും
പരിവർത്തനം ചെയ്യാം.

Sunday, August 28, 2016

വിജയം.my diary. khaleelshamras

ഇഷ്ടമുള്ള കാര്യം
നീട്ടിവെയ്പ്പില്ലാതെയും
മുശിപ്പില്ലാതെയും
സംതൃപ്തിയോടെയും ചെയ്യുകയും
അതിൽ സന്തോഷം
കണ്ടെത്തുകയും
ചെയ്യുന്നതിനെ
വിളിക്കുന്ന പേരാണ്
വിജയം.

മതങ്ങളെ ഉപയോഗപ്പെടുത്തുമ്പോൾ.my diary. khaleelshamras

മതങ്ങളെ
ശരിയായ വിതത്തിൽ
ഉപയോഗപ്പെടുത്തിയില്ലെങ്കിൽ
ശരിക്കും
അവമൂലം
മനുഷ്യനിൽ ഉണ്ടാവുന്നത്
തികച്ചും വിപരീതമായ
അനന്തരഫലങ്ങൾ
ആയിരിക്കും.
അതാണ്
ഇന്ന് സമാധാനത്തിന്റേയും
സന്തോഷത്തിന്റേയും
പിന്നെ ധൈര്യത്തിന്റേയും
ഒക്കെ വിഷയത്തിൽ
മതമില്ലാത്തവർ
ഉള്ളവരേക്കാൾ മുന്നിട്ട് നിൽക്കുന്നത്.
ഇവിടെ മതമല്ല

മറ്റുള്ളവരിലേക്ക് പ്രവേശിക്കുക.my diary.khaleelshamras

നിന്റെ പഞ്ചേന്ദ്രിയങ്ങൾ
നിനക്ക് മറ്റുള്ളവരിലേക്ക്
പ്രവേശിക്കാൻ
ഒരു വലിയ വാതിൽ
തുറന്നുതരികയാണ്.
അത് തുറന്ന്
നീ അവരിലേക്ക്
പ്രവേശിക്കുക.
അവരിലെ വിശാലലോകം
കണ്ട് ആസ്വദിക്കുക.
അവരിലെ അറിവിന്റെ
ലൈബ്രറിയിൽ നിന്നും
അറിവ് ശേഘരിക്കുക.

പേടി.my diary. khaleelshamras

പേടിപ്പിച്ചു നാടു ഭരിക്കാം
പേടിയെ അടിസ്ഥാനമാക്കി
ജീവിതത്തെ മുന്നോട്ടു കൊണ്ടുപോവാം.
പേടിയുടെ പേരിൽ
പല നല്ലതിൽ നിന്നും
പിന്തിരിയാം.
പക്ഷെ സമാധാനമെനതൊന്ന്
ഈ ഭൂമിയിൽ
നിനക്ക് അനുഭവിക്കാൻ
കഴിയില്ല എന്നു മാത്രം.

മതചിഹ്നങ്ങൾ.my diary. khaleelshamras

മതചിഹ്നങ്ങൾ
ഓരോരോ മനസ്സിലെ
അവരുടെ
ആ ആദർശത്തിലുള്ള
വിശ്വാസത്തിന്റെ
പ്രതീകങ്ങൾ ആണ്.
അവർ അതിൽ
അഭിമാനിക്കുന്നു.
ചിഹ്നങ്ങളായി
അവരത് പുറത്ത് കാണിക്കുന്നു .
അവരുടെ അറിമാനത്തെ
ആദരിക്കുക.
അതിന്റെ ശരിയോ തെറ്റോ
വിലയിരുത്താതെ.

Saturday, August 27, 2016

ഇഷ്ടങ്ങൾ.my diary. khaleelshamras

നിനക്കഷ്ട്ടമുള്ളതും
എന്നാൽ അതുകൊണ്ട്
മറ്റുള്ളവർക്ക് ബുദ്ധിമുട്ടില്ലാത്തതുമായ
നിന്റെ നല്ല ശീലങ്ങൾ
വിമർശിക്കപ്പെടുമ്പോൾ
അത് ഉപേക്ഷിക്കാനുള്ള
ഒരു പ്രവണത നിന്നിൽ
ഉണ്ടാവും.
എന്തിനേയും
വിമർശിക്കുകയും
എന്നാലേയും ദോശങ്ങൾ
കണ്ടെത്തുക എന്നതും
ഇഷ്ടമാക്കിയവരാണ്
ഇത്തരം ഇഷ്ടങ്ങളെ
വിമർശിക്കുന്നത്.
അവരുടെ ഇഷ്ടത്തിനുമുമ്പിൽ
വഴങ്ങികൊടുക്കാതെ
നിന്റെ ഇഷ്ടത്തെ
കൂടുതൽ സ്ഥലഭുഷ്ടമാക്കുക.

നിത്യേന നീ ബന്ധപ്പെടുന്നവരെ കുറിച്ച് മുൻധാരണ.my Diary.khaleelshamras

നിത്യേന നിന്റെ
ജീവിതത്തിൽ
ഇടപഴകുന്നവരെ കുറിച്ച്
വ്യക്തമായ ഒരു ധാരണ
നിനക്കുണ്ടാവണം.
അവർ ദിത്യേന എന്ത്
സംസാരിക്കുന്നുവെന്നതും
ഏതു രീതിയിലാണ്
സംസാരം മുന്നോട്ട്
പോവുന്നുവെന്നതും
വ്യക്തമായി അറിയണം.
എന്നിട്ട് പിന്നീട്
അവരെ കാണുമ്പോൾ
ഈ മുൻധാരണക്കനുസരിച്ചുള്ള
മുൻകരുതൽ നിനക്കുണ്ടാവണം.

വളരാൻ.my diary. khaleelshamras

നിനക്ക് വളരണമെങ്കിൽ
തിരുത്താനും പകർത്താനുംതയ്യാറായേ പറ്റൂ.
അല്ലെങ്കിൽ
പൂർണ്ണ വളർച്ചയെത്താതെ
പിറന്നു വീണ
കുഞ്ഞിന്റെ പിറവിയിലെ
അവസ്ഥയിൽ
കഴിഞ്ഞുകൂടേണ്ടിവരും.

കുറ്റങ്ങളിലേക്ക് നോക്കുന്നവർ.my diary. khaleelshamras

പലർക്കും
മറ്റുള്ളവരിലെ കുറ്റങ്ങളിലേക്ക്
നോക്കാനും
അതിനെ വലുതാക്കി
കാണിക്കാനുമാണ് താൽപര്യം.
കുറ്റത്തിനപ്പുറത്ത്
വിശാലമായ നല്ലതിന്റെ
ലോകത്തേക്ക്
നോക്കാൻ
പലരും താൽപര്യം കാണിക്കുന്നേയില്ല.

അവലോകനങ്ങൾ.my diary. khaleelshamras

ജീവിതത്തിൽ ആരും
വിമർശകർ ആയിട്ടില്ല.
അവരൊക്കെ
നിന്നോട് അവലോകനങ്ങൾ
നടത്തുന്നവർ മാത്രമാണ്.
നിനക്ക് പകർത്താനും
തിരുത്താനും
ഓരോരോ പാഠങ്ങൾ
പകർന്നുതരികയാണ്
അവരൊക്കെ.
പലപ്പോഴും വിമർശനങ്ങളുമായി
വരുന്നവർ
അവരെകുറിച്ച് ഒരവലോകനം
നടത്താനുള്ള ഒരവസരം
കൂടി അവിടെ ബാക്കിയാക്കുന്നുണ്ട്.

Thursday, August 25, 2016

മറ്റുള്ളവരുടെ ഇഷ്ടങ്ങളെ വിമർശിക്കരുത്.my diary. khaleelshamras

തമാശക്കാണെങ്കിൽ
പോലും മറ്റുള്ളവരുടെ
ഇഷ്ടങ്ങളെ പരിഹരിക്കരുത്.
കാരണം അവർക്കതിനെ
ഒറിക്കലും ഒരു
തമാശയായി കാണാൻ
കഴിയില്ല എന്നതാണ്.
മറിച്ച് ആ പരിഹാസം
അവരുടെ മനശാന്തിയെ
നശിപ്പിച്ച
അഗ്നിയായേ അവർക്ക്
കാണാൻ കഴിയുള്ളു.

നിന്റെ മാതൃക.my diary. khaleelshamras

വിജയിച്ച ഒരായിരങ്ങൾ
ഇവിടെ ഒരുപാട് വിജയ മാതൃകകൾ
ബാക്കി വെച്ചിട്ടാണ്
പോയത്.
അറിവിലൂടെ അവയെ
പകർത്തുക.
നിന്റെ സിസ്റ്റത്തിന്റെ ഭാഗമാക്കുക.
എന്നിട്ട് നീ നേടിയ മറ്റു
അറിവുകളുടേയും
കാലഘട്ടത്തിലെ പുതിയ
അറിവുകളുടേയും
അടിസ്ഥാനത്തിൽ
അവയെ
അപ്ഡേറ്റ് ചെയ്യുക.
എന്നിട്ട് അവയെ
നിന്റെ മാതൃകയായി
തലമുറകൾക്കുമുമ്പിൽ
വരച്ചുവെയ്ക്കുക.

കാവ്യാത്മക സംസാരം.my diary. khaleelshamras

ഏതൊരു സംസാരത്തിന്റേയും
നെഗറ്റീവ് വശത്തേക്ക്
ചായാനുള്ള ഒരു
പ്രവണത ചുറ്റും നിലനിൽക്കുന്നുണ്ട്.
പക്ഷെ സംസാരത്തെ
നെഗറ്റീവിലേക്ക്
ചായാതെ പോസിറ്റീവിലേക്ക്
നയിക്കാൻ
ഒരാൾ വിചാരിച്ചാൽ മതി.
എല്ലാ സംസാരത്തേയും
മറ്റുള്ളവരേയും സ്വന്തത്തേയും
നോവിക്കാത്ത
സ്വന്തത്തിനും
മറ്റുള്ളവർക്കും
അറിവും സന്തോഷവും നൽകിയ
മനോനരങ്ങളാക്കി
മാറ്റുക.

സമ്മർദ്ദം.my diary. khaleelshamras

നിത്യേന ചെയ്യുന്ന
പല കാര്യങ്ങളും
ഒരു ദിവസം മുടങ്ങിയാൽ
വല്ലാത്തൊരു സമ്മർദ്ദവും
അസ്വസ്തതയും അനുഭവപ്പെടാൻ
സാധ്യതയുണ്ട്.
ഇത്തരം ഒരവസ്ഥ
നിന്റെ മനസ്സമാധാനം കെടുത്താൻ
സാധ്യതയുണ്ട്.
അതുകൊണ്ട് ഒരു ദിവസം
മുടങ്ങിയാലും
കുഴപ്പമില്ല എന്ന നിലപാട്
കൈകൊള്ളുക.
ആ മുടക്കത്തിലും മാരകമാണ്
ഇത്തരം സമ്മർദ്ദങ്ങൾ
എന്ന് മനസ്സിലാക്കുക.

നല്ല ശീലത്തിൽ നിന്നും തെന്നി പോവാതിരിക്കാൻ.my diary. khaleelshamras

ചിലപ്പോൾ മറ്റുള്ളവരുടെ
ഒരു വാക്ക് മതിയാവും
നീ വളർത്തിയെടുത്ത നല്ലൊരു
ശീലത്തെ ഇല്ലാതാക്കാൻ.
അതുകൊണ്ട്
അവർ പറഞ്ഞത് അവരുടെ
ശരിയായിരിക്കാം
പക്ഷെ നിനക്ക് അത് തെറ്റാണ്
എന്ന് മനസ്സിലാക്കി
നിന്റെ നല്ല ശീലത്തിൽ
ഉറച്ചു നിൽക്കുക.

വഴിയാത്രികർ.my diary. khaleelshamras

നിന്നിലൂടെ കടന്നു പോവുന്ന
വികാരവിചാരങ്ങെളെല്ലാം
നിന്റെ വഴിയെ
കടന്നുപോവുന്ന
വഴിപോക്കരാണ്.
അവരെ കാണുക കേൾക്കുക
അനുഭവിക്കുക.
എന്നിട്ട് അതേ വഴിയെ
കടന്നുപോവാൻ അനുവദിക്കുക.

ഏറ്റവും അടുത്തവർ.my diary. khaleelshamras

ലോകത്ത് ഏറ്റവും അടുത്തു കിടക്കുന്ന
രണ്ടാൾ ഉണ്ടെങ്കിൽ
അത് പരസ്പരം
പിണങ്ങി നിൽക്കുന്നവരും
പരസ്പരം ശത്രുതയിലുള്ളവരുമാണ്.
കാരണം അതിരുവരും
ഏറ്റവും കൂടുതൽ
ചിന്തിക്കുന്നത്
എതിരാളിയെ കുറിച്ചാണ്
എന്നതാണ് സത്യം.
പരസ്പരം ഇത്തരം
നിലപാടുകളിൽ എത്തിയത്
പോലും
ഏതു തരത്തിലായാലും
ഉള്ളിലുള്ള സ്ഥാനം കൊണ്ടാണ്.
ഇനി ഈ ഒരു ബന്ധത്തെ
നല്ല വശത്തേക്ക്
തിരിച്ചുവിട്ടാൽ
ഏറ്റവും നല്ലൊരു കൂട്ടുകെട്ടായിരിക്കും
പിറക്കാൻപോവുന്നത്.

ആറ്റങ്ങൾ പ്രണയിച്ചപ്പോൾ.my diary. khaleelshamras

ആറ്റങ്ങൾ അറ്റങ്ങളെ
കാണുകയും കേൾക്കുകയും
അനുഭവിക്കുകയും
ചെയ്യുന്നു.
ആറ്റങ്ങൾ തങ്ങളുടെ
ജീവനെ ആസ്വദിക്കുന്നു.
പ്രാട്ടോണും ന്യൂട്രോണും
ഇലക്ടോണും
ഒക്കെയായി പരസ്പരം
കളിച്ചും ചിരിച്ചും
ജീവിക്കുന്നു.
പ്രപഞ്ചം മുഴുവനും
മനുഷ്യനെന്ന ജീവി
ജീവനില്ല എന്ന് മുദ്രവെച്ചവയിൽ
പോലും ജീവന്റെ
സ്പന്ദനങ്ങൾ ആസ്വദിച്ച്
വായുവും വെള്ളവും ഘരവും
എന്ന വേർതിരിവില്ലാതെ
മനുഷ്യരാണോ മറ്റു ജീവിയാണോ
അല്ലെങ്കിൽ സസ്യങ്ങൾ ആണോ
എന്നറിയാതെ
ആറ്റങ്ങൾ പരസ്പരം
വാരി പുണർന്നും പ്രണയിച്ചും
ജീവിക്കുന്നു.

മാറ്റങ്ങളെ അടക്കാൻ.my diary. khaleelshamras

നീയെത്ര മാറിയെന്നറിയാൻ
നിന്റെ ജനിച്ചപ്പോഴുള്ള
അവസ്ഥയുമായി
ഒന്നു താരതമ്യം ചെയ്യുക.
ഇന്ന് നാനക്കാരോടെങ്കിലും
ദേശ്യമോ അസൂയയോ
ഉണ്ടെങ്കിൽ
നിന്റെ പിറവിയിലെ
അവസ്ഥയിലേക്ക് നോക്കുക.
അവിടെ തതൊന്നും
കാണുന്നില്ലെങ്കിൽ
നീ ഇപ്പോൾ എവിടെയെത്തി
എന്നത്  മനസ്സിലാക്കാം.
അങ്ങിനെ നിന്റെ
ജീവിതത്തിൽ വന്ന നല്ലതും
ചീത്തതും ആയ മാറ്റങ്ങളെ
അളക്കുക.
ചീത്ത മാറ്റങ്ങളെ
പിറവിയിലെ നല്ല അവസ്ഥയിലേക്ക്
തിരികെ കൊണ്ടുപോവുക.

സ്വയം മാറുക.my diary. khaleelshamras

സാഹചര്യങ്ങൾ മാറുന്നതിലൂടെ
ഒരു പ്രശ്നവും മാറാൻ പോവുന്നില്ല.
കാരണം സാഹചര്യകളിലല്ല
-പ്രശ്നം.
മറിച്ച് അതിലൂടെ
കടന്നു പോവുന്ന നിന്നിലാണ് പ്രശ്നം.
അതുകൊണ്ട് പ്രശ്നം
പരിഹരിക്കപ്പെടണമെങ്കിൽ
ഏതൊരു സാഹചര്യത്തലും
'നീയെത്തൊന്നാണോ
ആഗ്രഹിക്കുന്നത് അതിനനുസരിച്ച്
നീ സ്വയം മാറിയേ പറ്റൂ.

ഉത്തരവാദിത്വം.my diary. khaleelshamras

ലക്ഷത്തിലേക്കുള്ള നിന്റെ
യാത്രയിൽ
വന്നണഞ്ഞ പരാജയത്തിന്
നീ മറ്റുള്ളവരെ കുറ്റപ്പെടുത്തുന്നുവെങ്കിൽ
അത് നിനക്ക് പറ്റിയ
ഏതോ ഒരു തെറ്റിനുള്ള
ന്യായീകരണം മാത്രമാണ്.
കാരണം അതിനൊന്നും
മറ്റൊരാളും ഉത്തരവാദിയല്ല
മറിച്ച്  നീ മാത്രമാണ്
അതിന് ഉത്തരവാദി.

പ്രാർത്ഥനക്കുത്തരം,.my diary. khaleelshamras

പേടിയും ദു:ഖവും
മറ്റാരേയോ ബോധിപ്പിക്കാനുള്ള
മാനസികാവസ്ഥയും കാത്തുസൂക്ഷിച്ച്
മനുഷ്യൻ
പ്രാർത്ഥിക്കുന്നു.
എന്നിട്ട് അതിന്റെ പേരിൽ
പ്രാർത്ഥിക്കുത്തരം ലഭിക്കാതെ
അലയുന്നു.
പക്ഷെ അവയെയൊക്കൊ
മാറ്റിവെച്ച്
ശാന്തമായ മനസ്സോടെ
തികഞ സന്തോഷത്തോടെ
അവൻ പ്രാർത്ഥിച്ചിരിന്നുവെങ്കിൽ
പ്രാർത്ഥന തുടങ്ങുന്നതിനും
മുമ്പേ അവന്
ഉത്തരം ലഭിച്ചേനേ.

മതങ്ങൾ.my diary. khaleelshamras

മതം മനുഷ്യന്
നൽകേണ്ടത്
ശാന്തിയും സമാധാനവും ആണ്.
അധുനിക കണക്കുകൾ
മതമില്ലാത്തവർ
മതമുള്ളവരേക്കാൾ
കുടുതൽ ശാന്തിയും സമാധാനവും
അനുഭവിക്കുന്നുവെന്ന കണക്കുകൾ
കാണിക്കുമ്പോൾ
ഇവിടെ മതങ്ങൾ
അല്ല കുറ്റക്കാരാവുന്നത്.
മതങ്ങളെ ശരിയായ രീതിയിൽ
ഉപയോഗിക്കുന്നതിൽ
പരാജയപ്പെട്ട
ഒരു മനുഷ്യകുലത്തെയാണ്
നാം അതിലൂടെ കാണേണ്ടത്.
മനുഷ്യരെ പല തട്ടുകളിലാക്കാനും
അന്യായമായി ജീവൻ അപഹരിക്കാനും
ഉള്ളതല്ല മതം
മറിച്ച് അത് മനുഷ്യനെ
ശാന്തനും സമാധാനപ്രിയനും
ആക്കാനുള്ളതാണ്.
മതങ്ങളെ ആ ഒരു
മാനസിക കാലാവസ്ഥ നിലനിർത്താനുള്ള
ഇമ്പനമാക്കുക.

Sunday, August 21, 2016

നിനക്ക് വേണ്ടി ഭരണം.my diary. khaleelshamras

സമൂഹത്തിലെ വ്യക്തി എന്ന നിലയിൽ
നിനക്കുള്ള സംരക്ഷണത്തിനു വേണ്ടിയാണ്
ഇവിടെ ഭരണവും ഭരണകൂടവും.
പക്ഷെ നിനക്കുമേൽ
നിനക്ക് സ്വയം ഉള്ള ഭരണവുമായി
താരതമ്യപ്പെടുത്തുമ്പോൾ
നിനക്ക് വേണ്ടിയുള്ള
ഭരണം വളരെ നിസ്സാരമാണ് .
.ഓരോ വ്യക്തിക്കും
സ്വന്തം വമാധാനം നഷ്ടപ്പെടാതിരിക്കാനും
അറിവ് നേടാനും
നിർഭയത്വത്തോടെ
ജീവിക്കാനുമുള്ള
അവസരം സ്വയം ഒരുക്കാനുള്ള
സ്വന്തമെന്ന വലിയ ഭരണാധികാരിക്കു വേണ്ട
സഹായസഹകരണങ്ങൾ
ചെയ്യാനുള്ള സഹായികൾ മാത്രമാണ്
നാട്ടുഭരണവും ഭരണകൂടവും.

ജനങ്ങളുടെ വേലക്കാർ.my diary. khaleelshamras

ജനങ്ങളുടെ വേലക്കാർ ആണ്
ഭരണകർത്താക്കൾ.
ജനം അവരെ തിരഞ്ഞെടുക്കുന്നു .
കള്ളകളി കാട്ടിയാൽ
പുറത്താക്കുന്നു.
പക്ഷെ ഈ ഒരു ബോധം
ജനവും ഭരണാധികാരികളും
മറക്കുന്നു.
അതുകൊണ്ടാണ്
പല ഭരണകർത്താകുടേയും
അടിമകളായി പലരും
വഴിമാറി പോവുന്നത്.
അത് മറന്നതുകൊണ്ടാണ്
തിരഞ്ഞെടുക്കപ്പെട്ട ഭരണാധികാരികൾ
അത് മറന്ന്
ഉടമകളെപോലെ
ജനത്തോട് പെരുമാറുന്നതും
അന്യായമായി അവരുടെ
സ്വത്തും സ്വാതന്ത്ര്യവും
കവർന്നെടുക്കാൻ
ശ്രമിക്കുന്നതും.

സ്ത്രീയുടെയും പുരുഷന്റേയും ഭാഷ.my diary. khaleelshamras

പുരുഷന്റേയും സ്ത്രീയുടേയും ഭാഷ
വ്യത്യസ്തമാണ്.
പുരുഷന്റെ ഭാഷ
തൊഴിലും അതിലുള്ള വളർച്ചയുമൊക്കെ
അടിസ്ഥാനമാക്കിയാണെങ്കിൽ
സ്ത്രീയുടെ ഭാഷയുടെ
അടിസ്ഥാനം വികാരങ്ങൾ ആയിരിക്കും.
സമ്പത്ത് ,പദവി
തുടങ്ങിയവയമായി ബന്ധപ്പെട്ട്
പുരുഷന്റെ ഭാഷ മുന്നേറുമ്പോൾ.
സ്ത്രീ ചെറിയ ചെറിയ
വൈകാരിക മുഹൂർത്തങ്ങളിൽനിന്നും
അവൾക്ക് വലിയതെന്ന് തോന്നിയ
പലതും കണ്ടെത്തും.
പലപ്പോഴും ആ ഭാഷ
പുരുഷനു മനസ്സിലാവില്ല.
അതു പോലെ തന്നെ
പുരുഷന്റെ ഭാഷ സ്ത്രീക്കും
മനസ്സിലാവില്ല.
പരസ്പരം മനസ്സിലാവാത്ത
ഇത്തരം ഭാഷയിലുള്ള
സംഭാഷണങ്ങൾ ആണ്
പലപ്പോഴും പല ബന്ധങ്ങളും
തകരാൻ കാരണമാവുന്നത്.
പരസ്പരം ഭാഷ മനസ്സിലാക്കി
മുന്നേറുക എന്നതാണ്
ഇത്തരം തകർച്ചകൾ ഒഴിവാക്കാനുള്ള
ഏക പരിഹാരം.

വിജയം ഉള്ളിലാണ്.my diary. khaleelshamras

വിജയം പുറത്തല്ല
മറിച്ച് നിനക്കുള്ളിലാണ്.
പുറത്ത് പ്രയത്നത്തിന്റേയും
അറിവിന്റേയും
വഴി അതിന്റെ
താക്കോൽ മാത്രമാണ്.
പ്രയത്നിച്ച് കൂടുതൽ
അറിവുനേടി
നിനക്കുള്ളിലെ
വിജയത്തിന്റെ കലവറകൾ
തുറക്കുക .

മുൻ കാലഘട്ടത്തിലേക്ക്.my diary. khaleelshamras

മുമ്പേ കഴിഞ്ഞുപോയ
മറ്റൊരു കാലഘട്ടത്തിലായിരുന്നു
നീ ജീവിച്ചിരിന്നുതെങ്കിൽ
ഏതൊരു തരത്തിലായിരിക്കും
നീ ജീവിച്ചിരുന്നത്?
എന്തൊക്കെ കാര്യങ്ങളെയായിരിക്കും
നിന്റെ അത്ഭുതങ്ങളായിരിക്കുക?
അധുനിക കാലഘട്ടത്തിലെ
ആഗ്രഹങ്ങൾ നിനക്കു മുമ്പിൽ
കീറാമുട്ടിയായി നിൽക്കുമ്പോൾ
ഇത്തരത്തിലുള്ള ഒരു
ചിന്ത നിനക്ക് അനിവാര്യമാണ്.

നല്ല ശ്രോദ്ധാവ്.my diary. khaleelshamras

ഓരോരുത്തരും
അവരവർക്കിഷ്ടമുണ്ടതിനെകുറിച്ച്,
വാതോരാതെ
സംസാരിക്കാൻ ഇഷ്ടപ്പെടുന്നവരാണ്.
പലപ്പോഴും അവ
നിന്റെ ഇഷ്ടങ്ങൾക്ക്
വിരുദ്ധമായിരിക്കും.
അതുകൊണ്ട്
അവരുടെ സംസാരത്തെ
വിമർശിക്കാനുള്ള
ഒരു പ്രവണത നിനക്കുണ്ടാവും.
അത് പലപ്പോഴും
എത്തിപ്പെടുന്നത്
നിന്റെ സമാധാനം
നഷ്ടപ്പെടുന്നതിലേക്കായിരിക്കും.
അങ്ങിനെ വലിയൊരു
നഷ്ടം വരുത്തി വെക്കുന്നതിലും
നല്ലത് മൗനം പാലിച്ച്
നല്ലൊരു ശ്രോദ്ധാവായിരിക്കുന്നതല്ലേ.

വിമർശനം രണ്ട് തരം.my diary. khaleelshamras

വിമർശനങ്ങൾ രണ്ട് തരമുണ്ട്
ഒന്ന് കുറ്റപ്പെടുത്തൽ
രണ്ടാമത്തേത് അവലോകനം.
ഒന്നാമത്തേത്
തികച്ചും നെഗറ്റീവായ
ഒരു മനസ്സിന്റെ ഉൽപ്പന്നമാണ്.
വിമർശിക്കപ്പെട്ടവന്റെ
ഗുണ്കാംക്ഷയോ
അല്ലെങ്കിൽ വിമർശിക്കപ്പെട്ട സംഭവത്തിന്റെ
സത്യാവസ്തയോ അറിയാനുള്ള
ഒരു താൽപര്യവും ഇതിലില്ല.
അസൂയ ,പക, വൈകാരികത
എന്നിവയൊക്കെയാണ്
ഇതിന്റെ അടിസ്ഥാനം.
പക്ഷെ വിമർശിച്ചവന്റെ
ഈ കപട മനസ്സ് തിരിച്ചറിയാതെ
വിമർശിക്കപ്പെട്ടവർ
തന്റെ വിലപ്പെട്ട മനസ്സിനെ
പലപ്പോഴും ഇതിനൊക്കെ
മുന്നിൽ അടിയറവു വെച്ചുപോവും.
രണ്ടാമത്തേത് അവലോകനമാണ്.
അതിൽ വിമർശിച്ചവന്
വിമർശിക്കപ്പെട്ടവനോടുള്ള
ഗുണകാംക്ഷമാത്രമാണ് ഉള്ളത്.
പലപ്പോഴും ഇത്തരം ഗുണകാംക്ഷികളെ
അറിയാതെ ശത്രുപക്ഷത്ത് നിർത്താനുള്ള
ഒരു പ്രവണത നിലനിൽക്കുന്നുണ്ട്.
പലപ്പോഴും ഇതിൽ ഏതു രീതിയിലുള്ള
വിമർശനമാണ് എന്ന്
തിരിച്ചറിയാൻ കഴിയാതെ വരുമ്പോൾ
വിമർശിക്കപ്പെട്ടവൻ
അവയെ അവലോകനം മാത്രമായി
കാണുക എന്നതാണ്.
വളരാനുള്ള അവസരമാക്കി
അവയെ മാറ്റുക.

Friday, August 19, 2016

ചെറിയ ചോദ്യത്തിന് വലിയ പ്രതിഫലം.my diary. khaleelshamras

കുട്ടികൾക്ക് എന്നും രക്ഷിതാക്കളുടെവക
ഒരു പരീക്ഷ നടത്തുക.
അതിലെ ചോദ്യം
ഏറ്റവും എളുപ്പമുള്ളതും
എന്തായാലും ഉത്തരം പറയുന്നതും
അവണം.
ചെറിയ എളുപ്പമുള്ള ചോദ്യത്തിന്
വലിയ മാർക്കും
പ്രാൽസാഹനവും നൽകുക.
ആ വലിയ പ്രോൽസാഹനം
നൽകാൻവേണ്ടി മാത്രമാവണം
കുട്ടികൾക്ക് മുമ്പിൽ
ചോദ്യം ചോദിക്കുന്നത്.
ആ വലിയ പ്രാൽസാഹനം
കുട്ടികളിൽ ഉണ്ടാക്കുന്ന
വലിയ ആത്മസംതൃപ്തിയും
ആത്മവിശ്വാസവും
ആവണം രക്ഷിതാവ് ലക്ഷ്യം വെക്കേണ്ടത്.

വൈകാരിക മാലിന്യങ്ങൾ.my diary. khaleelshamras

എത്ര വലിയ സ്ഥാപനത്തിനും
അതിന്റെ മാലിന്യങ്ങൾ
തള്ളാനുള്ള ഒരിടമുണ്ട്.
മനുഷ്യ ശരീരത്തിനും
പിന്നെ മനസ്സിനും അതുപോലെ
ഇടങ്ങൾ ഉണ്ട്.
ശരിരം തള്ളിയ മാലിന്യങ്ങൾ
ശേഘരിക്കാൻ തയ്യാറല്ലാത്ത
നാം
പക്ഷെ മനസ്സിലെ
വൈകാരിക മാലിന്യങ്ങളോട്
തികച്ചും വ്യത്യസ്തമായ സമീപനമാണ്
കൈകൊള്ളുന്നത്.
ആ വൈകാരിക മാലിന്യങ്ങളെ
സ്വന്തത്തിലേക്ക് ശേഘരിച്ച്
അവയെ
ആർത്തിയോടെ എടുത്ത്
കാഴിച്ച് അതിന്റെ
അനന്തരഫലങ്ങളായ
അശാന്തിയും മറ്റും
സ്വയം ആസ്വദിക്കുകയാണ് പൈയ്യുന്നത്.

അറിവും വികാരവും.my diary. khaleelshamras

ഇവിടെ രണ്ട് ദർശനങ്ങളിൽ
വിശ്വസിക്കുന്ന അണികൾ തമ്മിൽ
തർക്കത്തിൽ ഏർപ്പെടുമ്പോൾ
അതിന് മുമ്പിൽ രണ്ട് തരം
മാനദണ്ഡങ്ങളാണ് മുന്നോട്ട്
വരുന്നത്.
ഒന്ന് വൈകാരികതയും
രണ്ട് അറിവും.
വർഗ്ഗീയതയും ആത്മസംയമനം
നഷ്ടപ്പെടലും
പേടിയും
മറുപക്ഷത്തെ കേൾക്കാനുള്ള ഭയവും
കേട്ടാൽ മാറി പോവുമോ
എന്ന പേടിയുമൊക്കെ
അതിന്റെ വൈകാരിക വശമാണ്.
ഒട്ടും സമാധാനമില്ലാത്ത മനസ്സിനുടമകളാണ്
ഈ വൈകാരിക പക്ഷക്കാർ.
പക്ഷെ രണ്ടാമത്തെ പക്ഷം
അറിവിന്റെ പക്ഷമാണ്.
അവർ സംവദിക്കുന്നത്
പറരസ്പരം അറിയാനും
അറിയിപ്പിക്കാനുമാണ്.
അവർ പരസ്പരം സ്നേഹത്തോടെ
സംവദിക്കുന്നു.
സംവാദത്തിനൊടുവിൽ
നല്ലൊരു അറിവ് ലഭിച്ച
സന്തോഷത്തോടെ
സമാധാനത്തിൽ ജീവിക്കുന്നു.

മരണപ്പേടി.my diary. khaleelshamras

പലരും മരണത്തെ പടിക്കുന്നത്
മരണാന്തരം എന്തു
സംഭവിക്കുമെന്ന് ഓർത്തിട്ടല്ല.
മറിച്ച് ഈ ഭൂമിയിലെ
ജീവിതവും അതിലെ വിഭവങ്ങളും
എനിക്കു നഷ്ടപ്പെട്ടു
പോവുകയാണല്ലോ എന്ന് ഓർത്തിട്ടാണ്.
ഇത് ഓർത്തു കൊണ്ടിരിക്കുമ്പോഴും
തനിക്കു ലഭിച്ച
ഈ നിമിഷത്തെ ഫലപ്രദമായി
ഉപയോഗിക്കാനും തയ്യാറുമല്ല.
ആ നഷ്ടബോധത്തിൽനിന്നും
ഉണ്ടായ മരണഭയത്തിലൂടെ
സ്വന്തം മരണത്തെ
നേരത്തെ പിടിച്ചു വരുത്തുകകൂടിയാണ്
പലരും ചെയ്യുന്നത്.

സാഹചര്യത്തിന്റെ രണ്ട് വശം.my diary. khaleelshamras

ഓരോ സാഹചര്യത്തിലും
നോക്കി അവനവന്റെ
ഉള്ളിലെ മാനസിക കാലാവസ്ഥക്കനുസരിച്ച്
പ്രതികരിക്കുകയാണ് സമൂഹം.
അതുകൊണ്ടാണ്
ഒരു പക്ഷത്തിന് സമാധാനം
നൽകിയ സാഹചര്യം
മറ്റൊരു പക്ഷത്തിന്
അശാന്തി നൽകുന്നത്.
പക്ഷെ മനസ്സിനെ
അശാന്തമാക്കാതെ സാഹചര്യങ്ങളോട്
പ്രതികരിച്ചില്ലെങ്കിൽ
ജീവിതത്തിലെ സന്തോഷം നഷ്ടപ്പെടുന്നതിലേക്ക് അത് നയിക്കും.
അതുകൊണ്ട് ഒരു
സാഹചര്യവും നിന്റെ മനസ്സമാധാനം
നഷ്ടപ്പെടാൻ നിമിത്തമാവരുത്.
സാഹചര്യത്തിൽ തെറ്റുകളുണ്ടെങ്കിൽ
ഉള്ളിലെ സമാധാനം നഷ്ടപ്പെടാതെ
പ്രതികരിക്കണം.

മനുഷ്യനെ കുറിച്ച് പ്രപഞ്ചം അറിയുമോ.my diary. khaleelshamras

ശരിക്കും മനുഷ്യനെന്ന
വിലപ്പെട്ട ജീവി ഈ
ഭൂമിയിൽ ഉണ്ട് എന്ന ബോധം
ഈ പ്രപഞ്ചത്തിനുണ്ടോ?
നാം ശ്വസിച്ച വായുവും
കുടിച്ച വെള്ളവും
പോഷകങ്ങളുമെല്ലാം
ഇതറിഞ്ഞോ.
അല്ലെങ്കിൽ ചിന്താശേഷിയുള്ള
മനുഷ്യനെന്ന ജീവി
മാത്രം അറിഞ്ഞ കാര്യമാണോ
ഇവയൊക്കെ.
സവർക്കറിയില്ല എന്നു തന്നെയാ
തോന്നുന്നത്.
അങ്ങിനെ ഒരറിവുണ്ടായിരുന്നുവെങ്കിൽ
മനുഷ്യ നില നിൽപ്പിനു തന്നെ
ഭീഷണിയായി
മരങ്ങൾ വെട്ടിമുറിക്കപ്പെടുമ്പോഴും
മലകൾ നിരപ്പാക്കുമ്പോഴും
രാസവസ്തുക്കൾ പുറത്തേക്ക്
തള്ളുമ്പോഴും
പ്രകൃതിയും പ്രകൃതിയിൽ ഉള്ളവയും
അതിനെതിരെ
പ്രതികരിച്ചേനേ.
അരുതെന്ന്
ആക്ഞാപിച്ചേനേ.