Friday, February 26, 2016

സ്വീകരണവും യാത്രയപ്പും.my diary. khaleelshamras

ഞാൻ ഡ്യൂട്ടിയിൽ ആയിരുന്നു.
ഹോസ്വിറ്റലിന് പുറത്ത് നല്ല
ശബ്ദമയമാണ്.
ഒരു വശത്ത് സന്തോഷത്തിന്റെ
ചിരികൾ
മറ്റൊരു വശത്ത് ദുഃഖത്തിന്റെ
അലയടികൾ.
രണ്ട് സിസ്റ്റർമാർ എനിക്കു
മുന്നിലേക്ക് ഓടി വന്നു പറഞ്ഞു.
സാറേ....
ഒന്നു ഓടി വരുമോ.
രണ്ടാളോടും പ്രശ്നങ്ങൾ
ആരാഞ്ഞു.
ഒന്ന് സ്വീകരണവും
മറ്റൊന്ന് യാത്രയയപ്പുമാണ്.
എന്തായാലും രണ്ടാമത്തേതിന്
മുൻഗണന നൽകി.
യാത്രയയപ്പ് നീട്ടിവെപ്പിക്കാൻ
കഴിഞ്ഞാലോ?
ആ ഒരു നീട്ടിക്കെലിനായി
കാത്തിരിക്കുന്നവരാണ്
അവർക്ക് ചുറ്റും കുടി നിൽക്കുന്ന
പ്രിയപ്പെട്ടവരൊക്കെ.
സോക്ടർക്ക് അതിനവരെ
സഹായിക്കാൻ കഴിയുമെന്ന പ്രതീക്ഷയിലാണ്
അവർ.
ഞാൻ ചെന്നു.
ആ അമ്മ അത് കേട്ടില്ല.
അവർ യാത്രയാവുക തന്നെ ചെയ്തു.
അതിന് സാക്ഷ്യം വഹിച്ചു
തിരിച്ചു വരുന്നതിനിടയിൽ
മറ്റേ സിസ്റ്റർ എന്നെ വിളിച്ചു
പ്രസവമുറിയിലേക്ക്
വരണം.
അങ്ങോട്ടും ഓടി
അതാ അവിടെ ഒരു
പെൺകുട്ടി ഭൂമിയോട്
കരച്ചിലായി ആദ്യ കിന്നാരവും
പറഞ്ഞിരിക്കുന്നു.
ഞാൻ ആ കുഞ്ഞിന് സ്വാഗതം
ഓതി വരവേറ്റു.
ഒരു സ്വീകരണവും
പിന്നെ ഒരു യാത്രയയപ്പും
അതിനിടയിൽ
ജീവിതമെന്ന ഒരിത്തിരി സമയവും.
നാം വന്നതും പോവേണ്ടതും
ഒരുപോലെയാണ്.
അതിനിടയിലെ ജീവിതമെന്ന
ഒരിത്തിരി സമയത്തെ
നാമെന്തിനാണ്
ചുമ്മാ വേണ്ടാത്തരങ്ങൾക്കായി
വിനിയോഗിച്ച്
ഒരു ക്രൂരനായി സ്വയം
ജീവിക്കുന്നത്.
സ്വീകരിക്കപ്പെട്ട നാം
എതായാലും സാക്ഷിയാവേണ്ട
യാത്രയയപ്പിനായി
നല്ല രീതിയിൽ ഒരുങ്ങുകയല്ലേ വേണ്ടത്.