Tuesday, October 1, 2013

നരകത്തിലേക്കുള്ള സഞ്ചാരി khaleelshamras.my diary.


നിന്റെ ചിന്തകളെ
എനിക്ക് കാണാൻ കഴിഞ്ഞിരുന്നുവെങ്കിൽ
ദൈവഭക്തിയുടെ കീർത്തനങ്ങൾ ഉരിയിട്ട നിന്റെ ചുണ്ടുകൾക്ക് പിറകിൽ
ഭക്തിയെ ചിന്നഭിന്നമാക്കിയ വിഭാഗീയതയുടെയും
ഒരു വിഭാഗത്തോടുള്ള ശത്രുതയുടെയും
അസൂയയുടേയും
ചൂഷണത്തിന്റെയും
തീ നാളങ്ങൾ നിന്റെ ആത്മാവിൽ എനിക്ക് കാണാൻ കഴിഞ്ഞേനെ .

നിന്റെ ചിന്തകളുടെ സംസാരം എനിക്ക് ശ്രവിക്കാൻ കഴിഞ്ഞിരിന്നുവെങ്കിൽ
നീ സ്നേഹിക്കുന്നവരെയൊക്കെവെടിഞ്ഞ്
മാറ്റാർക്കൊക്കെയോ ആയി പാടുന്നതും
സതാ ആലോചനകളിൽ മുഴുകുന്നതും എനിക്ക്
ശ്രവിക്കാൻ കഴിഞ്ഞേനെ .

ഒരു ദരിദ്രൻ നിനക്കരികിൽ വന്ന്
കയ്നീട്ടിയപ്പോൾ
മനസ്സില്ലാമനസ്സോടെ നീ നല്കിയ ആ നാണയതുണ്ട്
നാലാൾക്ക് മുമ്പിൽ ഉറക്കെ പ്രക്യാപിച്ച്
നീ കയ്മാറിയപ്പോൾ
ജനം നിന്നെ കരുണയുള്ളവൻ എന്നു പറഞ്ഞു വാഴ്ത്തുകയായിരുന്നു .
കാരണം എനിക്കും അവർക്കും നിൻറെ മനസ്സിനെ കാണാൻ കഴിഞ്ഞില്ല .

എങ്കിലും ലോകവും ഞാനും നിന്നെ വിളിക്കുന്നു
ഭക്തനെന്നും സ്നേഹിച്ചവനെന്നും പാവങ്ങളുടെ അത്താണിയെന്നുമൊക്കെ .
സ്വൊർഗത്തിലേക്കുള്ള സഞ്ചാരി  എന്ന്‌ ഞങ്ങൾ നിന്നെ വിശേഷിപ്പിച്ചു .
പക്ഷെ മനസ്സിലേക്ക് നോക്കുന്ന ദൈവത്തിന് നീ
നരകത്തിലേക്കുള്ള സഞ്ചാരിയായിരുന്നു