Friday, September 20, 2013

ഇന്നിന്റെ അന്തിയിൽ KHALEELSHAMRAS

ഓരോ ദിവസത്തേയും അതിന്റെ അന്തിയിൽ 
വിശകലനം ചെയ്യുംപോൾ 
ഒരു വിനോദയാത്ര കഴിഞ്ഞു വന്ന 
സന്തോഷമുണ്ടാവണം മനസ്സിൽ .
എന്നും കേൾക്കാൻ കൊതിച്ച 
ഒരു കവിതപോലെ 
സുന്ധരമാവണം 
സമയമാവുന്ന താളിൽ പ്രയത്നത്തിന്റെ 
പേനകൊണ്ട് നീ കുറിച്ചിട്ട ജീവിതത്തിന്റെ ഈരടികൾ .
പൊലിഞ്ഞ നിമിഷങ്ങളിലേക്ക് 
തിരിഞ്ഞു നോക്കുമ്പോൾ 
നീ നൽകിയ സ്നേഹം 
വാടാത്ത പൂവായി 
നിന്റെ ജീവിതമെന്ന പൂന്തോപ്പിൽ 
വിരിഞ്ഞു നിൽക്കുന്നത് നീ കാണുക .
നീ സഹജീവികളോട് 
കാണിച്ച കാരുണ്യം 
അവരവരുടെ ജീവിതങ്ങളിൽ 
സന്തോഷത്തിന്റെ അരുവികൾ 
തീർത്തത് നീ കാണുക .